ماشينانىڭ قاي ۇيىمعا تيەسىلى ەكەنى انىقتالىپ, جاۋاپقا تارتىلدى.
بۇزۋشى جەكە ءوزى 30 اۋىر جۇكتى جالداۋ اقىسىن تولەدى, ولار 700 توننا ستيحيالىق ءۇيىندىنى جويىپ, جينالعان قوقىستى ارنايى پوليگونعا شىعاردى. سونىمەن قاتار, كاسىپكەرگە اكىمشىلىك ايىپپۇل سالىندى.
«نۇرا اۋدانىندا زاڭسىز قوقىس توگىلگەن 8 نەگىزگى ورىن انىقتالدى. جۇيەلى جۇمىستىڭ ارقاسىندا قالانى لاستايتىن جوسىقسىز كاسىپكەرلەردىڭ ءبىرى تابىلدى. مىسالى, ءبىر كۇن بۇرىن ولار وسى ۋچاسكەلەردى ارالاپ شىققان بولاتىن. ول كەزدە قوقىس كولەمى مۇنداي ۇلكەن ەمەس ەدى, جوسىقسىز كاسىپكەرلەردىڭ تەك تۇندە كەلەتىنى انىقتالدى. وسى باعىتتاعى جۇمىستى اۋدان بويىنشا جالعاستىرامىز», دەدى نۇرا اۋدانى اكىمىنىڭ ورىنباسارى رۋسلان ورالوۆ.
ايتا كەتەيىك, استانادا قايتا وڭدەۋ ءۇشىن قۇرىلىس جانە باسقا دا ءىرى قالدىقتاردى توگۋگە بولاتىن 2 سانكتسيالانعان پوليگون جۇمىس ىستەيدى. باسقا ۋچاسكەلەردە قوقىس توگىلسە زاڭ بويىنشا جازا قاراستىرىلعان.
