قالا تاريحىن قوسىمشامەن تانى

ونى «Google Play» جانە «App Store» ارقىلى جۇكتەپ الۋعا بولادى. جوبادا قالا، ەل تاريحى تۋرالى اقپاراتتى ەركىن تۇردە بەكىتۋدىڭ ەكى ءادىسىن ەنگىزۋ قاراستىرىلعان.

«جوبا «مەنىڭ قالامنىڭ، ەلىمنىڭ تاريحىن زەرتتەۋدە ICT-تەحنولوگيالاردى قول­دانۋ» دەپ اتالادى. بۇل – بۇ­عان دەيىن ءوزىم دايىنداعان ەكى شاعىن قوسىمشانىڭ بى­رىكتىرىلگەن نۇسقاسى. ءبىرىنشىسى – قوعامدىق كولىكتەگى ەسكەرتۋ جۇيەسىن جاڭارتۋ ارقىلى قالا تاريحىن تانىستىرۋ. اتالعان يدەيا قوعامدىق كولىكتەردەگى دىبىستى حابارلامالار ارقىلى تاريحي اقپاراتتى قوسۋعا ارنالعان. ەكىنشىسى – «Aialdama» ءموبيلدى قوسىمشاسى. مەن ازىرلەگەن ءموبيلدى قوسىمشانى پايدالانۋشى كوشەنى كەسىپ وتكەن ساتتە سول كوشەگە قاتىستى نەمەسە سول اۋماقتاعى نى­سان­­دار تۋرالى اقپارات بە­رە­دى. جوبانىڭ ماقساتى – وقۋشىلارعا ەل تاريحىن كۇن­دەلىكتى ومىردە تانىپ-بىلۋگە كومەكتەسۋ. تاريحتى ءبىلۋ ماڭىز­دى»، دەدى تيمۋر قىرباسوۆ.

جاس ونەرتاپقىشتىڭ باس­تا­ماسىمەن قۇرىلعان «ENACTUS» كومانداسى مەكتەپ كاسىپكەرلىگىنىڭ II رەس­­­پۋبليكالىق چەمپيو­نا­تى­­نىڭ ءفيناليسى اتانعان. گيم­­نازيا بازاسىندا اشىلعان وقۋ­­شى­لاردىڭ پراكتيكالىق-تەوريالىق ورتالىعى جوعارى سىنىپ وقۋشىلارىنا ناقتى كاسىپورىندا تاڭدالعان ما­ماندىقتى پراكتيكالىق تۇردە تەكسەرۋگە مۇمكىندىك بەرەدى.

سونىمەن قاتار تيمۋر ءۇش جوبانىڭ اۆتورلىق قۇقى­عىن قورعادى. كەيىنگى ءۇش جىلدا حالىقارالىق جانە رەسپۋبليكالىق عىلىمي جو­بالاردىڭ جۇلدەسىن يەلەن­دى. «ICT Solutions Kazakhstan» بايقاۋىندا جوبانى ىسكە اسىرۋعا 1 ملن تەڭگە ۇتىپ الدى. سونداي-اق 2023 جىلدىڭ «جىل وقۋشىسى» اتاندى. وتكەن جىلدىڭ 1 ماۋسىمىندا ونىڭ «الماتى بالاFest» قالالىق فەستيۆالىندە مەم­لەكەت باسشىسىنىڭ نۇسقاۋ­شىسى بولعانىن دا ەسكە سالا كەتەيىك.

قازىر تيمۋر وقيتىن №15 گيمنازيا ءبىلىم بەرۋ باعدارلاماسىنىڭ نەگىزگى ءۇش باعىتىنا باسىمدىق بەرىپ وتىر. ولار – وقۋشىنىڭ اعىل­شىن ءتىلىن جاقسى مەڭگە­رۋى، عىلىمي-زەرتتەۋ جۇ­مىس­­تارىنا ىنتالاندىرۋ جا­نە كوشباسشىلىق قا­سيەت­­تەردى شىڭداۋ. وسى با­سىم­دىقتاردىڭ ناتيجە­سىن­دە تي­مۋر سەكىلدى جاس جەتكىن­شەكتەر ءوز جوبالارىن ءساتتى قورعاپ ءجۇر.

مەرەي اۋعالي،

ل.ن.گۋميلەۆ اتىنداعى ەۇۋ ستۋدەنتى