جۇلدە قورى 259 303 اقش دوللارىن قۇرايتىن جارىستىڭ تۇساۋكەسەر كەزدەسۋىندە جەرلەسىمىز 17 جاسار جەرگىلىكتى ويىنشى ايا ءال-اۋنيدەن 6:1, 6:4 ەسەبىمەن ايلاسىن اسىردى. كەلەسى كەزەڭدە دە جەڭىسكە جەتۋ پۋتينتسەۆاعا ەش قيىندىق تۋعىزعان جوق. الەمدىك رەيتينگتە 129-ورىندا تۇرعان فرانتسيالىق لەوليا جانجان جەرلەسىمىزگە جارىتىپ قارسىلىق كورسەتە المادى. 1 ساعات 14 مينۋتقا سوزىلعان باسەكە 6:2, 6:1 ەسەبىمەن اياقتالدى. ەندى ول حۋليو رەارامەن سايىسقا تۇسەدى. ارگەنتينانىڭ وكىلى WTA تىزىمىندە نەبارى 552-ورىندى قاناعات تۇتقانىمەن, العاشقى اينالىمداردا كريستينا ملادەنوۆيچ (فرانتسيا) پەن مايار شەريف (مىسىر) سەكىلدى بەلگىلى تەننيسشىلەردى ۇتىپ, كوپشىلىك نازارىن وزىنە اۋدارعان ەدى.
فرانتسيانىڭ ليون قالاسىندا ءوتىپ جاتقان اتر-250 دوداسىندا الەكساندر نەدوۆەسوۆ پەن مەكسيكالىق ميگەل انحەل رەيەس-ۆارەلا جۇبى شيرەك فينالدا ءسۇرىندى. ولار اقش پەن ۇلىبريتانيانىڭ وكىلدەرى رادجيۆ رام مەن دجو سولسبەريگە 4:6, 6:3, 7:6 ەسەبىمەن جول بەردى.
