«چەليابينسكىدە جۇك جيناقتايتىن ورتالىق اشا وتىرىپ, «سولتۇستىك – وڭتۇستىك» كولىك ءدالىزىنىڭ قولدانىستاعى ينفراقۇرىلىمىن پايدالانۋعا بولادى. ءبىز ءوزىمىزدىڭ بەينەۋ – ماڭعىستاۋ تەمىر جول جەلىسىندەگى جانە بەينەۋ – شالقار اۆتوموبيل جولىنداعى تالاپقا ساي كەلمەيتىن ۋچاسكەلەردى قايتا سالۋعا ءازىرمىز», دەدى پرەزيدەنت جيىن بارىسىندا.
مەملەكەت باسشىسىنىڭ ايتۋىنشا, ءتيىستى جۇك تاسىمالى اعىنىن قالىپتاستىرۋ ءۇشىن كۇش جۇمىلدىرۋ ماڭىزدى, ال قازاقستان مۇنى ءسوزسىز ىسكە اسىرادى.
«باقتى – اياگوز تەمىر جولىنىڭ قۇرىلىسىن ءوزارا ءتيىمدى ىنتىماقتاستىعىمىزدىڭ ناقتى مىسالى دەۋگە بولادى. ونىڭ ىسكە قوسىلۋى قازاقستاننىڭ دا, رەسەيدىڭ دە قىتاي باعىتىنا جونەلتەتىن جۇك كولەمىن ايتارلىقتاي ارتتىرۋعا مۇمكىندىك بەرەدى», دەدى قاسىم-جومارت توقاەۆ.
