«جاستار» سارايىندا وتكەن جارمەڭكەگە 16 كومپانيا قاتىسىپ, جاستاردى جۇمىسقا ورنالاستىرۋ اياسىندا 273 جۇمىس ورنىن ۇسىندى. جۇمىس بەرۋشىلەر اراسىندا بانكتەر, ۇكىمەتتىك ۇيىمدار, اگرارلىق كومپانيالار بار. ۇيىمداستىرۋشىلار جۇمىسپەن قامتۋدىڭ ءدال وسى فورماتىنىڭ تيىمدىلىگى تۋرالى ايتىپ بەردى.
قالا اكىمدىگىنە قاراستى حالىقتى جۇمىسپەن قامتۋ ورتالىعىنىڭ ديرەكتورى باقىتبەك قابجانوۆتىڭ ايتۋىنشا, بوس ورىندار جارمەڭكەسىنە جاستار وتە بەلسەندى كەلىپ, جۇمىس بەرۋشىلەردىڭ ۇسىنىستارى مەن ستارتاپتاردى قولداۋ باعدارلامالارىنا قىزىعۋشىلىق تانىتتى.
«وسكەلەڭ ۇرپاق وكىلدەرى بۇگىندە الەۋمەتتىك جەلى ارقىلى تىلدەسىپ, اقپاراتپەن وتە جىلدام الماسۋدا. بارلىعى enbek.kz پورتالىنداعى بوس جۇمىس ورىندارىن بايقاعان سوڭ ونلاين-تىركەۋدەن ءوتىپ, جاۋاپ الادى. سونداي-اق ءبىز وسىنداي وفلاين جارمەڭكەلەردى جىلىنا 30-40 رەت ءارتۇرلى ورىنداردا وتكىزەمىز. ولارعا تەك جۇمىسپەن قامتۋ ورتالىعى عانا ەمەس, جاستار ساياساتى باسقارماسى, اكىمدىك جانە باسقا دا ۇيىمدار قاتىسادى. ءبىزدىڭ جاستار بەلسەندى, كەزدەسۋدە قويىلاتىن سۇراقتارى دا از ەمەس. ءبىز وسىنداي جارمەڭكەلەردە قويىلعان ساۋالدارعا جاۋاپ بەرىپ, تۇسىنىكسىز تۇستارىن كەڭىنەن ءتۇسىندىرىپ بەرەمىز», دەدى قالالىق جۇمىسپەن قامتۋ ورتالىعىنىڭ ديرەكتورى باقىتبەك قابجانوۆ.
ۇيىمداستىرۋشىلاردىڭ مالىمەتىنشە, جىل باسىنان بەرى حالىقتى جۇمىسپەن قامتۋ ورتالىعىنا 8 210 جاس ازامات جۇگىنگەن. كاسىپكەرلىكتى دامىتۋ جونىندەگى 2021-2025 جىلدارعا ارنالعان ۇلتتىق جوبا شەڭبەرىندە جاستاردى جۇمىسقا ورنالاستىرۋ جونىندەگى شارالارمەن 5 500 ادام قامتىلدى.
- «قازپوشتا» اق ءوز كەزەگىندە جۇمىسپەن قامتۋ ورتالىعىمەن بەلسەندى بايلانىس ورناتىپ, جاس ماماندار ءۇشىن بوس جۇمىس ورىندارى بويىنشا كەڭ تاڭداۋىن ۇسىنادى. ۇسىنىلعان نۇسقالاردىڭ قاتارىنا كۋرەرلەر, تاسىمالداۋشىلار, جۇرگىزۋشىلەر, پوشتاشىلار جانە باسقا دا جۇمىس ورىندارى كىرەدى. تاجىريبەدەن وتكەننەن كەيىن اركىمنىڭ شتاتتا قالۋعا, بىزبەن بىرگە كاسىبي تۇردە شىڭدالۋىن جالعاستىرۋعا مۇمكىندىگى بار, - دەدى «قازپوشتا» اق HR سەكتورىنىڭ جەتەكشىسى اينا الياكباروۆا.
ءىس-شارا اياسىندا جاستاردى جۇمىسپەن قامتۋ جانە شاعىن نەسيەلەندىرۋ شارالارىمەن تانىستىرۋ ماقساتىندا جۇمىسپەن قامتۋ جانە الەۋمەتتىك قورعاۋ باسقارماسى, استانا قالاسىنىڭ جۇمىسپەن قامتۋ ورتالىعى جانە «اگرارلىق نەسيە كورپوراتسياسى» اق فيليالىنىڭ وكىلدەرىمەن كەزدەسۋ وتكىزىلدى.
ايتا كەتۋ كەرەك, قازاقستان پرەزيدەنتىنىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» باعدارلاماسىن جۇزەگە اسىرۋ اياسىندا جاس كاسىپكەرلەر كونكۋرستىق نەگىزدە جەڭىلدەتىلگەن كرەديت الا الادى. 2023 جىلى «اگرارلىق كرەديتتىك كورپوراتسيا» اق جاستارعا كرەديت بەرۋ اگەنتى بولىپ بەلگىلەندى, ال نەگىزگى ۇيلەستىرۋشىلەر باسقارۋ جانە جۇمىسپەن قامتۋ ورتالىعى اتىنان جەرگىلىكتى اتقارۋشى ورگاندار بولدى.
«باعدارلاما 3 جىلعا ەسەپتەلگەن, ونىڭ بارىسىندا كرەديتتەر بەرىلەتىن بولادى. رەسپۋبليكاعا بولىنگەن جالپى بيۋدجەت 28 ملرد تەڭگەنى قۇرايدى, ونىڭ ىشىندە استاناعا 1,5 ملرد تەڭگەدەن استامى قاراستىرىلعان. ءبىر قارىز الۋشى ءۇشىن ورتاشا چەك – 1 ملن تەڭگە. جالپى ەلوردا بويىنشا 600 جوبانى جۇزەگە اسىرۋدى جوسپارلاپ وتىرمىز», دەپ اتاپ ءوتتى «اگرارلىق نەسيە كورپوراتسياسى» اق فيليالىنىڭ ديرەكتورى اسەت كوشكىنباەۆ.
ونىڭ ايتۋىنشا, بۇگىنگى تاڭدا 500 ملن تەڭگەگە ءوتىنىم قابىلدانىپ, 100-گە جۋىق قارىز الۋشى ءوتىنىش بىلدىرگەن, ونىڭ 40%-ى قارالعان. ماقساتتى پايدالانۋدى راستاۋ مەرزىمى – 90 كۇن. ەگەر قارىز الۋشى وسى مەرزىمدە قانداي دا ءبىر فورس-ماجورلىق جاعدايلارعا بايلانىستى جيناقتالماسا, ول نىسانالى پايدالانۋ بويىنشا كەيىنگە قالدىرۋدى ۇسىنۋ ءۇشىن كورپوراتسياعا جۇگىنۋگە قۇقىلى. ەگەر قارىز الۋشى كرەديتتى نىسانالى ماقساتى بويىنشا پايدالانباسا نە راستاۋ مەرزىمدەرىن كەشىكتىرسە, ايىپپۇل كوزدەلەدى.
كەزدەسۋدە ستۋدەنتتەرگە جاستار ءۇشىن جۇزەگە اسىرىلىپ جاتقان جوبالار تۋرالى ەگجەي-تەگجەيلى ءتۇسىندىرىلدى. سونداي-اق, ەلوردالىق جاستارمەن اشىق ديالوگ بارىسىندا كەلۋشىلەرگە جاستارعا ارنالعان شاعىن نەسيەلەر, جۇمىسپەن قامتۋعا جاردەمدەسۋ شارالارى, ونىڭ ىشىندە «جاسىل ەل» باعدارلاماسى بويىنشا اقپارات بەرىلدى.
