كەزدەسۋ بارىسىندا فيليال ديرەكتورى باقىت زلوبين قوناقتاردى جۇمىس بارىسىمەن تانىستىرىپ, ىنتىماقتاستىقتىڭ باعىتتارىن بەلگىلەدى. ودان كەيىن وڭىرلىك تۋريزم باسقارماسى باسشىسىنىڭ مىندەتىن اتقارۋشى ازامات مۇحامەتكاموۆ وبلىستاعى ءتۋريزمنىڭ دامۋى تۋرالى اقپاراتپەن ءبولىسىپ, ىنتىماقتاستىقتىڭ تيىمدىلىگىنە توقتالدى.
ساپاردىڭ نەگىزگى ماقساتى – حالىقارالىق ىنتىماقتاستىق ماسەلەلەرىن تالقىلاۋ جانە كادرلاردى دايارلاۋ, بىلىكتىلىكتى ارتتىرۋ سالاسىندا تاجىريبە الماسۋ. بۇل رەتتە كادر ماسەلەسى –وزەكتى تاقىرىپتاردىڭ ءبىرى.
نانكين تۋريزم جانە قوناقجايلىلىق ينستيتۋتى – تسزيانسۋ پروۆينتسياسىندا ورنالاسقان قىتايداعى بىرەگەي جوعارى كاسىپتىك ءبىلىم بەرۋ مەكەمەسى. ينستيتۋتتا مادەنيەت پەن تۋريستىك يندۋستريامەن تىعىز بايلانىستى 26 ماماندىق بار. قىتاي دەلەگاتسياسىنىڭ باسشىسى, نانكين ينستيتۋتىنىڭ ۆيتسە-رەكتورى, پروفەسسور حۋان بين ينستيتۋت تۋرالى ايتىپ, تۋريزم سالاسىنا كادرلاردى دايارلاۋ باعىتىندا اتقارىلىپ جاتقان جۇمىستارعا توقتالدى.
تۋريزم سالاسىندا جەتىسۋ وبلىسىنىڭ كەڭ الەۋەتى بار ەكەنى بەلگىلى, سول سەبەپتى وسى ينستيتۋتپەن ىنتىماقتاستىق تۋريستىك سالادا كاسىپتىك ءبىلىم بەرۋدى دامىتۋ شەڭبەرىندە, سونداي-اق اكادەميالىق الماسۋلار مەن جاتتىقتىرۋشىلار دايارلاۋ سالاسىندا كۇش-جىگەردى شوعىرلاندىرۋعا مۇمكىندىك بەرەدى.
ساپار بارىسىندا پرەزيدەنت جانىنداعى مەملەكەتتىك باسقارۋ اكادەمياسىنىڭ جەتىسۋ وبلىسى بويىنشا فيليالى مەن نانكين تۋريزم جانە قوناقجايلىلىق ينستيتۋتى اراسىندا ءوزارا تۇسىنىستىك تۋرالى مەموراندۋمعا قول قويىلدى. سونىمەن قاتار دەلەگاتسيانى وبلىس اكىمىنىڭ ورىنباسارى رۋستام ءالي قابىلداپ, قوناقتاردىڭ نازارىن جەتىسۋ ءوڭىرىنىڭ ەرەكشەلىگىنە اۋداردى. سونداي-اق تاراپتار اراسىنداعى تىعىز ىنتىماقتاستىقتى نىعايتۋدا وبلىس اكىمدىگىنىڭ قولداۋىن ءبىلدىردى.
ساپار اياسىندا نانكين ينستيتۋتىنىڭ وكىلدەرى مەن قمۋ «قوعامدىق كەلىسىم» ايماقتىق قىتاي ەتنومادەني ورتالىعىنىڭ قىزمەتكەرلەرى اراسىندا كەزدەسۋ ۇيىمداستىرىلىپ, Visit جەتىسۋ ورتالىعىنىڭ قىزمەتكەرلەرى ەكسكۋرسيا جۇرگىزدى.
قىتاي دەلەگاتسياسىنىڭ ساپارىنىڭ وزەكتىلىگىن جاقىندا سيان قالاسىندا وتكەن «ورتالىق ازيا + قىتاي» ءسامميتىنىڭ قارساڭىندا اتاپ وتكەن ءجون.
جەتىسۋ وبلىسى
