اسقار سەرقۇل ۇلى جۇمادىلداەۆ – بەلگىلى قازاقستاندىق ماتەماتيك-عالىم جانە قوعام قايراتكەرى, فيزيكا-ماتەماتيكا عىلىمدارىنىڭ دوكتورى, پروفەسسور, قازاقستان رەسپۋبليكاسى ۇعا-نىڭ اكادەميگى. ول ماتەماتيكا جانە عىلىم سالاسىنداعى جەتىستىكتەرى ءۇشىن كوپتەگەن ماراپات پەن گرانت العان.
اقىلبەك قاجىعۇل ۇلى كۇرىشباەۆ – اۋىل شارۋاشىلىعى عىلىمدارىنىڭ دوكتورى, پروفەسسور. وسى سالاداعى جەتىستىكتەرى ءۇشىن بىرنەشە رەت ماراپاتتالعان. ەكونوميكانى, عىلىمدى جانە جوعارى ءبىلىمدى دامىتۋعا, سونداي-اق بەلسەندى قوعامدىق قىزمەتكە سىڭىرگەن ەڭبەگى ءۇشىن «قۇرمەت» جانە «پاراسات» وردەندەرىمەن ماراپاتتالعان.
ءلاززات تاسبولاتقىزى ەراليەۆا – پروفەسسور, مەديتسينا عىلىمدارىنىڭ دوكتورى, 2013 جىلدان باستاپ «مەديتسينا عىلىمدارى» سەكتسياسى بويىنشا رەسەي جاراتىلىستانۋ اكادەمياسىنىڭ (رجا) كوررەسپوندەنت-مۇشەسى. ول –150-دەن استام ماقالانىڭ, 2 ۇلتتىق نۇسقاۋلىقتىڭ, مونوگرافيالار مەن ادىستەمەلىك نۇسقاۋلىقتاردىڭ, سونىمەن قاتار 4 ونەرتابىس پاتەنتىنىڭ اۆتورى.
تاكير وسپان ۇلى بالىقباەۆ – فيزيكا-ماتەماتيكا عىلىمدارىنىڭ كانديداتى جانە پەداگوگيكا عىلىمدارىنىڭ دوكتورى, ءوز سالاسىندا ايتارلىقتاي تاجىريبەسى بار پروفەسسور. رەسەيدەگى كاسىپتىك ءبىلىم بەرۋدى قولداۋ قورىنىڭ ا.گ.نەبولسين اتىنداعى سىيلىعىنىڭ لاۋرەاتى. 2018 جىلى «پاراسات» وردەنىمەن ماراپاتتالعان.
