قازاقستاننىڭ باسىم بولىگىنىڭ اۋا رايىن وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىمدەر ايقىندايدى: جاڭبىر, نايزاعاي, وڭتۇستىك وڭىرلەردە بۇرشاق ساقتالادى.
20 مامىردا باتىستا, سولتۇستىك-باتىستا, ورتالىقتا جانە وڭتۇستىكتە, 20-22 مامىردا ەلىمىزدىڭ وڭتۇستىك-شىعىسىندا قاتتى جاڭبىر بولجانىپ وتىر. سونداي-اق رەسپۋبليكا بويىنشا جەلدىڭ كۇشەيۋى كۇتىلۋدە, رەسپۋبليكانىڭ وڭتۇستىگىندە داۋىل بولجانادى.
قازاقستان بويىنشا تەمپەراتۋرالىق فوننىڭ جوعارىلاۋى كۇتىلەدى. تۇنگى ۋاقىتتاردا سولتۇستىك-باتىس جانە سولتۇستىكتە توپىراق بەتىندە 2 گرادۋسقا دەيىن ۇسىك جۇرەدى.
