ەلباسىنىڭ ارنايى ەلشىسى – پولشادا

پارلامەنت ءماجىلىسى توراعاسىنىڭ ورىنباسارى سەرگەي دياچەنكو باستاعان ماجىلىسمەندەر دەلەگاتسياسى جۇمىس ساپارىمەن پولشا رەسپۋبليكاسىندا بولدى, دەپ حابارلادى ءماجىلىستىڭ ءباسپاسوز قىزمەتى. قۇرامىندا سەرىكجان قاناەۆ, اناتولي ماكوۆسكي جانە نۇرلان جازىلبەكوۆ بار دەلەگاتسيا كەزدەسۋلەردە پارلامەنتارالىق بايلانىس, ساۋدا-ەكونوميكالىق جانە ايماقارالىق ىنتىماقتاستىقتى نىعايتۋ, زاڭ شىعارۋشىلىق ءتاجى­ري­بە الماسۋ مەن وزەكتى حالىق­ارا­لىق ماسەلەلەردى تالقىلاۋدى نەگىزگى باعىتقا الدى. ساپار شەڭبەرىندە ءماجىلىس ۆيتسە-سپيكەرى پولشا سەيمىنىڭ ءتورايىمى ەۆا كوپاچپەن, پول­شا سەناتىنىڭ ۆيتسە-سپيكەرى يان ۆىروۆينسكيمەن, پولشا-قا­زاق­ستان پارلامەنتتىك ىنتى­ماق­­تاستىق توبىمەن جانە ونىڭ توراعاسى–سەيم ۆيتسە-سپيكەرى ەجي ۆەندەرليحپەن, حالىقارالىق ماسە­لەلەر جانە جەرگىلىكتى ءوزىن ءوزى باسقارۋ بويىنشا سەيم كوميس­سيا­لارىنىڭ باسشىلىعىمەن كەزدەسۋلەر وتكىزدى. ودان باسقا, پولشانىڭ ۆيتسە-پرەمەرى – ەكونوميكا ءمينيسترى يانۋش پەحوچينسكيمەن دە جۇزدەسىپ, ساۋدا-ينۆەستيتسيانى نىعايتۋ ماسەلەلەرى بويىنشا پىكىر الماس­تى. مەملەكەت باسشىسىنىڭ ار­نايى ەلشىسى رەتىندە سەرگەي ديا­چەنكو 2017-2018 جىلدارى ءبى­رىككەن ۇلتتار ۇيىمىنىڭ قاۋىپ­سىزدىك كەڭەسىنىڭ تۇراقتى ەمەس مۇشە­لىگىنە قازاقستاننىڭ كانديداتۋ­راسىن قولداۋىن قامتيتىن قا­زاق­ستان رەسپۋبليكاسىنىڭ پرەزي­دەنتى ن.نازارباەۆتىڭ ءوزىنىڭ پولياك ارىپتەسى برونيسلاۆ كوماروۆ­س­كيگە جولداعان حاتىن پولشا رەس­پۋبليكاسى پرەزيدەنتى اكىم­شى­لىگىنىڭ باسشىسى ياتسەك ميحا­لوۆسكيگە تاپسىردى. قازاقستاندىق دەلەگاتسيا, سونداي-اق, سيلەزيا جانە مالو­پولسكا ۆوەۆودستۆولارىندا بولىپ, ىسكەر توپتار وكىلدەرىمەن ساۋدا-ەكونوميكالىق ىنتىماقتاستىق جانە ايماقارالىق بايلانىستى ۇلعايتۋدىڭ مۇمكىندىكتەرىن, ونىڭ ىشىندە قازاقستان مەن پولشا ايماقتارىنىڭ الداعى ءبىرىنشى فورۋمى شەڭبەرىندە تالقىلاناتىن ماسەلەلەر بويىنشا پىكىر الماستى.