ومىرتقاعا جاسالعان بىرەگەي وپەراتسيا

اتالعان پاتولوگيا بالانىڭ تولىق دامۋىنا كەدەرگى كەلتى­رىپ قانا قويماي, سىرتقى اقاۋ­­لاردى تۋدىرادى. بۇل جاع­­داي­­­دا حيرۋرگيالىق ارالاسۋ­دى كە­شىكتىرسە, اۋىر مۇگە­دەك­­تىك­كە سوقتىرۋى مۇمكىن. با­لا­عا وپە­راتسيا جاساۋ ءۇشىن رەسەي­دەن گ.ي.تۋرنەر اتىن­دا­عى با­لالار تراۆماتولوگياسى مەن ور­توپەدياسىنىڭ ۇلت­تىق مەديتسي­نالىق زەرتتەۋ ورتا­لىعىنىڭ ديرەكتورى سەرگەي ۆيسساريونوۆ ارنايى كەلدى.

بۇل بالانىڭ اناسى ۋلترادى­بىستىق زەرتتەۋ ارقىلى جۇكتىلىك كەزىندە بالا ومىرتقاسىنىڭ دەفورماتسياسى تۋرالى بىلگەن. تۋعاننان كەيىن دارىگەرلەر اتا-اناسىنا ومىرتقا باعانىنا وپە­را­تسيا مىندەتتى تۇردە جانە مۇمكىندىگىنشە تەزىرەك قا­جەت ەكەنىن ايتقان. سودان بان­داج­­داردى جانە باسقا دا كون­سەر­­ۆاتيۆتى ەمدەۋ ادىستەرىن قولدان­عانى ناتيجەسىز بولعاننان كەيىن, بالانىڭ اتا-اناسى حي­رۋر­­گيالىق جولعا جۇگىنۋگە شەشىم قابىلدادى. جاڭا ازىر­لە­مەمەن وپەراتسيا جۇرگىزۋ مۇم­­كىندىگى تۋرالى حاباردار بولعان سوڭ, پاتسيەنت­تىڭ اتا-اناسى اكادەميك ن.ج.باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىنا حابارلاسقان.

«قۇرساقتاعى بالا ومىرت­قاسىنىڭ دەفورماتسياسىن ۋلترا­دىبىستىق كومەگىمەن انىق­ت­اۋ ءۇشىن ماماننىڭ جوعارى بىلىكتىلىگى عانا ەمەس, سونىمەن قاتار وتە جاقسى جابدىق قاجەت. سونىمەن قاتار ۋلترادىبىستىق مامان ومىرتقانىڭ ءتۋابىتتى دەفورماتسياسىنا نازار اۋدارۋى كەرەك, تۋا بىتكەن اقاۋلاردىڭ قانداي نۇسقالارى مەن تۇرلەرى بار ەكەنىن ءبىلۋى كەرەك», – دەيدى, پروفەسسور س.ۆيسساريونوۆ.

تۋعاننان كەيىن پوتولوگيانى انىقتاۋ ءۇشىن دارىگەرلەر بارلىق انالارعا بالانىڭ ءۇش ايلىق جاسىندا مىندەتتى تۇردە تراۆماتولوگ-ورتوپەدكە بارۋدى ۇسىنادى.

«بۇگىنگى حيرۋرگيالىق ارالاسۋ ءبىز جوسپارلاعان كولەمدە جاسالدى. بۇل وپەراتسيا بارى­سىندا ارنايى پاتسيەنت ءۇشىن 3D پرينتەردە باسىپ شىعا­رىل­عان جەكە باعىتتاۋشى شابلون­دار قولدانىلدى. وسى با­عىت­­تا­عىشتار ارقىلى ءبىز مەتالل كونسترۋكتسياسىنىڭ تىرەك ەلەمەنت­تەرىن ءدال جانە دۇ­رىس ورنات­تىق. بۇل وپەراتسيا ۋا­قىتىنىڭ قىسقارۋىن قامتا­ماسىز ەتتى, بالاعا ساۋلەلىك جۇكتە­مەنى ەداۋىر ازايتتى, وپەرا­تسيانىڭ جاراقاتىن تومەندەتتى جانە ەڭ باستىسى بەكىتۋ مەتالىنىڭ ۇزىندىعى قىسقاردى», – دەدى پروفەسسور.

بۇل ازىرلەنگەن ءادىستىڭ بىرە­گەيلىگى – بالانىڭ ەرتە جاسىندا جاسالعان ءبىر وپەراتسيانىڭ ناتيجەسىندە دارىگەرلەر ومىرت­قانىڭ تۋا بىتكەن قيسايۋىن تو­لىعىمەن تۇزەتەدى جانە ءبىر عانا وپەراتسيادا بالانىڭ ودان ءارى ءوسۋى مەن دامۋىنا قولايلى جاعداي جاسايدى.

ء«بىزدىڭ ءتاسىلىمىز جانە ومىرت­قا-قوزعالىس سەگمەنتىنىڭ تۇراق­تانۋىن ورىنداۋ 5 كۇننەن كەيىن اياققا تۇرۋعا, جۇرە باستاۋعا, ومىرتقا باعانىنىڭ جاڭا جاع­دايىنا بەيىمدەلۋگە جانە وپەراتسيادان كەيىن 7-10 كۇننەن كەيىن ۇيگە ورالۋعا مۇمكىندىك بەرەدى. ءبىز وپەراتسيا جاساعان ەڭ جاس پاتسيەنت 9 ايلىق بالا بولعان», – دەيدى س.ۆيسساريونوۆ.

جىل سايىن قازاقستاندا ماماندار ومىرتقا باعانىنىڭ قيسايۋى بار 40 مىڭنان اسا پاتسيەنتتى انىقتايدى, ونىڭ 83%-ى – جاسوسپىرىمدەر مەن بالالار.

نەلىكتەن ومىرتقانىڭ ءتۋا­بىتتى دەفورماتسياسى پايدا بولادى دەگەن سۇراققا سەرگەي ۆيس­ساريونوۆ: «ادەتتە تۋا بىتكەن كەمىستىكتەر انانىڭ جۇكتىلىگىنىڭ ءبىرىنشى كەزەڭىندە, ومىرتقا باعانىن قۇرايتىن ەلەمەنتتەر قالىپتاسقان كەزدە پايدا بولادى. بۇل – جۇكتىلىكتىڭ ءبىرىنشى تريمەسترىندە بولاتىن سوزىلمالى اۋرۋلار نەمەسە وسى ۋاقىتقا دەيىن بولاتىن ءجىتى جۇقپالى اۋرۋلار, سونداي-اق ومىرتقانىڭ سۇيەك قۇرىلىمدارىنا زاقىم كەلتىرەتىن جانە اقىرىندا قالىپ­تان تىس دامىعان ومىرتقا پايدا بولاتىن ەكولوگيالىق قولايسىز فاكتورلار. وسى قالىپتان تىس دامىعان ومىرتقانىڭ اسەرىنەن دەفورماتسيا پايدا بولادى», دەپ جاۋاپ بەردى.

اتالعان وپەراتسيا گ.ي.تۋر­نەر اتىنداعى بالالار تراۆماتولوگياسى مەن ورتوپەدياسىنىڭ ۇلتتىق مەديتسينالىق زەرتتەۋ ورتالىعى مەن اكادەميك ن.ج.بات­پەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعى اراسىنداعى سترا­تەگيالىق سەرىكتەستىك تۋرالى شارت اياسىندا مىندەتتى الەۋمەتتىك مەديتسينالىق ساقتاندىرۋ ەسە­بىنەن جاسالدى.