دۇنيەجۇزىنىڭ ءبىراز ەلىندە ورتالىقتارى ورنىققان ۇلى نەمىس اقىنى گيوتە ينستيتۋتىن ەستۋىڭىز بار شىعار. قازاقتىڭ ءبىر توپ جاس اقىنى الگى ينستيتۋتتىڭ ۇسىنىسىمەن ۇلى گيوتەنىڭ جىرلارىن قازاق تىلىنە اۋدارىپ بەرگەن ەكەن كەزىندە. مىناۋ نەمىس تىلىندە شىققان جيناق سول شىعارماشىلىق بايلانىستىڭ ناتيجەسى بولسا كەرەك. 2021-2022 جىلدارى اتالعان ينستيتۋت Grand Tour Zentralasien جوباسىنىڭ جالعاسى رەتىندە ورتا ازيا ەلدەرى جاس اقىندارىنىڭ جىرلارىن نەمىس تىلىنە اۋدارىپتى. سياسى كەپپەگەن «ورتا ازيا جىر انتولوگياسى» العاش رەت بەرلين جانە لەيپتسيگ قالالارىندا كوپشىلىككە تانىستىرىلىپ, نەمىس ءتىلدى وقىرماندار نازارىنا ۇسىنىلدى.
جىر جيناعىنا جاس اقىندار باتىرحان سارسەنحان, ميراس اسان, ساعىنىش نامازشاموۆا, ەدىلبەك دۇيسەن, جەڭىسبەك پازىلدىڭ ولەڭدەرى ەنگەن. سونداي-اق قىرعىز اقىندارىنان اليمان ابدىكەريموۆا, نارسۋلۋ گۋرگۋباەۆا, گۇلزادا ستاناليەۆا, نۋريزا ومۇرباەۆا, ماحاببات قاسەينوۆانىڭ جىرلارى دا نەمىس تىلىنە اۋدارىلىپ, باسىلىپتى.
