«پانفيلوۆ اۋدانىندا جوعالىپ كەتكەن 72 جاستاعى ءورىنبۇبى مۇحانوۆا تابىلدى. 13 مامىردا ۇيىنەن شىعىپ كەتكەن زەينەتكەردى ىزدەۋ شارالارى ءۇش كۇننەن استام ۋاقىتقا سوزىلدى. السىرەگەن ايەل ءوزىنىڭ تۋعان لەسنوۆكا اۋىلىنان 15-20 شاقىرىم جەردە ەسكى اسكەري پوليگوننىڭ ماڭىنان تابىلدى», دەلىنگەن Polisia.kz حابارلاماسىندا.
پوليتسەيلەر قارت ايەلدى ىزدەۋ جۇمىستارىنا تۋىستارىنان بولەك ەرىكتىلەردى, شەكاراشىلاردى جانە جەرگىلىكتى حالىقتى, بارلىعى 100-گە جۋىق ادام تارتقان. ىزدەستىرۋ توبىنىڭ ءبىرى قالىڭ توعاي اراسىنان اجەيدىڭ ورامالىن تاۋىپ, ىزدەۋ باعىتىن انىقتاعان.
جالعىز ءوزى جۇرگەن ايەلدى جەرگىلىكتى شوپاندار بايقاپ, ونىڭ ىزىنە ءتۇسىپ كەلە جاتقان ىزدەۋشىلەرگە حابارلاعان. زەينەتكەر قاتتى السىرەپ قالعان. مەديتسينالىق كومەك كورسەتكەننەن كەيىن تۋىستارى ونى ۇيىنە الىپ كەتتى.
