كوز ءتۇيىستىرۋ ءساتى ۇزاققا سوزىلعان جوق. جانىبەك ءالىمحان ۇلىنىڭ قارسىلاسى ستيۆەن باتلەر بىرنەشە سەكۋندتان كەيىن بىردەن كوزىن تايدىرىپ كەتىپ قالدى.
جانىبەك ءالىمحان ۇلى الەۋمەتتىك جەلى پاراقشاسىندا پىكىر ءبىلدىردى.
«جولبارىستىڭ جۇرەگىنە جەرىك بولعان انالار مەن قاسقىر مىنەز بابالاردىڭ ۇرپاعىمىن! ارينە, قارسىلاستىڭ كوزگە تىكە قاراعىسى كەلمەيتىنى تۇسىنىكتى. ەرتەڭ قۇداي قالاسا تاريح بەتىن جاڭارتامىز», دەدى ول.
ەسكە سالا كەتەيىك, جەكپە-جەك ەرتەڭ اقش-تىڭ كاليفورنيا شتاتىنداعى ستوكتون قالاسىندا وتەدى. تىكەلەي ەفير استانا ۋاقىتىمەن ساعات 07:00-دە باستالادى.
