اقىلدى وقۋشىلار الامانى

ەلدىك مەرەيىمىزدى اسىرعان تا­عى ءبىر يگىلىكتى شارا ەلوردادا كورى­نىس تاپتى. ول فيزيكا پانىنەن وقۋ­شى­لاردىڭ 45-ءشى حالىقارالىق وليم­پياداسى ەدى. استانامىزدىڭ اي­بىنىن اسىرعان بەيبىتشىلىك جانە كەلىسىم سارايىندا تۇساۋى كە­سىل­گەن اقىلدىلاردىڭ ءبىلىم سايى­سىن ءبىلىم جانە عىلىم ءمينيسترى اسلان ءسارىنجىپوۆ اشىپ, 88 مەم­لە­­كەت­تەن كەلگەن 1000-عا تارتا ادام­­عا ەلىمىزدىڭ وقۋ جۇيەسىندەگى سترا­­­تەگيالىق ماقسات, مىندەتتەردى تا­نىستىردى. ۇلتتىق مودەلدىڭ با­سىم باعىتى – زياتكەرلىك ەليتا­نى قالىپتاستىرۋ ەكەنىن تىلگە تيەك ەتتى. پرەزيدەنت نۇرسۇلتان نا­زار­­باەۆتىڭ سالاعا جاساپ جاتقان ەرەك­شە قامقورلىعىن تاراتا ايتىپ, دا­رىن­دى وقۋشىلارىمىزدىڭ الەم­دىك ءبىلىم سايىسىندا توپ جارىپ ءجۇر­گە­نىن, وعان وسىنىڭ الدىندا سين­گا­پۋر­دا بولعان وليمپيادادا ءۇش ءبىر­دەي التىندى قانجىعاعا باي­لاعا­نى­مىزدى دايەككە كەلتىردى. ول بۇدان كەيىن, تورتكۇل دۇنيەدەن ءبىلىم بايگەسىنە كەلگەن 700 وقۋشىعا ءسات ساپار تىلەدى. سول سەكىلدى, فيزيكا ءپانى ء(ىرھو) بويىنشا حالىقارالىق وليمپيادا پرەزيدەنتى حانس يوردانس ءسوز الىپ, قازاق ەلىنىڭ كوركەيگەن استاناسى ءوزىن دە, وزگەلەردى دە ءتانتى ەتكەنىن اتاپ ءوتتى. وليمپياداعا دۇنيە جۇزىنەن كەلگەن وقۋشىلار وسىنداي جاس قالانى قاي ۋاقىتتا دا ەستەرىندە ۇستاپ, ءىلتيپات كورسەتەتىنىن قاداپ ايتقان ول, مۇنداي ءبىلىم سايىسى بارلىق جەردە بولا بەرمەيتىنىن دە نازارعا سالدى. الەمدىك دەڭگەيدە ءوتىپ جۇرگەن ءبىلىم بايگەسىندە قازاق­ستان­­دىق وقۋشىلاردىڭ اركەز توپ جارۋى دا بۇل يگىلىكتى ىسكە سەپتىگىن تي­­گىز­­گەنىنە دايەكتەر كەلتىردى. شى­نىن­­دا, «دارىن» رەسپۋبليكالىق عى­­لى­­مي-پراكتيكالىق ورتالىعىنىڭ دە­­رەك­ت­ەرىنە قاراساڭىز وتانىمىز­دىڭ مىڭنان تۇلپار شىققان تا­لانت­تارى وتكەن جىلى وقۋشى­لار­د­ىڭ حالىق­ارالىق وليمپيادالار مەن عىلىمي جوبالار كونكۋرسىندا 967 جۇلدەنى يەمدەنىپتى. ونىڭ 188-ءى التىن, 298-ءى كۇمىس, 463-ءى قولا مەدال ەكەن. وليمپيادانىڭ سالتاناتتى اشىلۋى ءۇش تىلدە – قازاق, ورىس, اعىل­شىن تىلدەرىندە ءوتىپ, ۇلتتىق ۇلگى­مىزدىڭ نەبىر جاۋھارلارى ساحنا ءتورى­نەن ورىن الدى. شاشۋ شا­شىل­عاندا تۇستەرى بولەك بولعان­مەن, تىلەك­تەرى ءبىر وقۋشىلار ەرەكشە ءىل­تي­پات تانىتتى. ۇلتتىق سالت-ءداس­تۇرىمىزگە, كيىم ۇلگىلەرىنە, ءانشى ار­داق بالاجانوۆا «پاي-پاي» ەتنو-فولكلورلىق انسامبلىنە قو­سى­لىپ «قارا جورعا» ءانىن شىر­قا­عاندا جۇزدەرى بال-بۇل جانىپ, تاس­پاعا, سۋرەتكە ءتۇسىرىپ جاتتى. كەي­بى­رەۋلەرىمەن تىلدەسكەنىمىزدە: «ۇلتتىق جاۋھارلارىڭىز قانداي كەرەمەت, قاراپ وتىرعاندا ەرتەگىلەر ەلىندە جۇرگەندەي كۇي كەشەدى ەكەن­سىڭ», دەدى تاڭدانىستارىن ءبىل­دىرىپ. بۇل ءبىلىم بايگەسىنە قازاق ەلى بەس ۇلانىن ۇكىلەپ قوسىپ وتىر­عا­نىن ايتا كەتەلىك. التى كۇن ىشىندە اقىلدى وقۋشىلاردىڭ ءبىلىمى انىق­تالىپ, جۇزدەن جۇيرىكتەردى مارا­پاتتاۋ 20 شىلدەدە بولادى. سۇلەيمەن مامەت, «ەگەمەن قازاقستان».