بيىل ماتەماتيكادان حالىقارالىق بالقان وليمپياداسى تۇركيانىڭ انتاليا قالاسىندا وتۋدە. 40-شى وليمپياداعا بالقان تۇبەگىنىڭ 22 ەلىنەن جانە قوناق مەملەكەتتەردەن 130-دان استام قاتىسۋشى قاتىسىپ جاتىر. ولاردىڭ قاتارىندا قازاقستان قۇراما كومانداسى دا بار.
«وليمپيادا - ماتەماتيكا پانىنەن دارىندى وقۋشىلاردى ىنتالاندىرۋ جانە ولاردى شىڭداۋدى كوزدەيدى. سونداي-اق قاتىسۋشى ەلدەردىڭ ءوز اراسىندا مەكتەپ باعدارلامالارى مەن تاجىريبەلەرى تۋرالى اقپارات الماسۋعا مۇمكىندىك جاسالعان. قازاقستان بۇل وليمپياداعا جىل سايىن قوناق رەتىندە قاتىسىپ, جۇلدەلى ورىندار يەلەنىپ ءجۇر», دەيدى «دارىن» رعپو ديرەكتورى عاجدەمبەك تۇرسىنوۆ.
قازاقستان اتىنان قاتىسقان قۇراما كوماندادا 6 وقۋشى بار. ولار وقۋ-جاتتىعۋ جيىنىنىڭ قورىتىندىسى بويىنشا ەڭ جوعارى ۇپاي جيناعان ۇزدىكتەر.
ايتا كەتەيىك, 40-شى بالقان ماتەماتيكالىق وليمپياداسىنىڭ قورىتىندىسى 13 مامىردا بەلگىلى بولادى.
