وبلىستىق اۋرۋحانانىڭ حابارلاۋىنشا, جۇمىسشىلاردىڭ ءبىرى وپىرىلعان ءۇيىندىنىڭ استىندا قالىپ, قايتىس بولعان. تاعى ەكەۋى جەدەل جاردەممەن اۋرۋحاناعا جەتكىزىلگەن. زارداپ شەككەندەردىڭ ءبىرىنىڭ اياعى سىنعان, ەكىنشىسى دارىگەرلەرگە قارالىپ جاتىر. ەكەۋىنىڭ دە جاعدايى تۇراقتى.
كۋاگەرلەردىڭ ايتۋىنشا, ولار ەسكى قالقانى اۋىستىرماق بولعان تۇرعىن ءۇي شارۋاشىلىعىنىڭ قىزمەتكەرلەرى بولعان.
«وكىنىشكە قاراي, ءبىر ادام قايتىس بولدى, ەكەۋى جاراقات الىپ, اۋرۋحاناعا جەتكىزىلدى. ۇشەۋى دە تاتيانا پكسك-عا قىزمەت ەتكەن «نەسىبە مول» سەرۆيستىك كومپانياسىنىڭ قىزمەتكەرلەرى. مارقۇمنىڭ وتباسىنا قايعىلارىنا ورتاقتاسىپ كوڭىل ايتامىز», دەدى اقتاۋ اكىمدىگىنىڭ ءباسپاسوز قىزمەتى.
سونداي-اق ۆەدومستۆو وقيعانىڭ ءمان-جايى انىقتالىپ جاتقانىن, وقيعا ورنىندا تەرگەۋشىلەر مەن توتەنشە جاعدايلار قىزمەتىنىڭ قىزمەتكەرلەرى جۇمىس ىستەپ جاتقانىن اتاپ ءوتتى.
