«بۇگىننەن باستاپ بقو پوليتسيا دەپارتامەنتىن 48 جاستاعى ارمان ورازاليەۆ باسقارادى. ول وسى قىزمەتكە تاعايىندالعانعا دەيىن ىشكى ىستەر مينيسترلىگى كريمينالدىق پوليتسيا باسقارماسى باستىعىنىڭ ورىنباسارى قىزمەتىن اتقارعان», دەلىنگەن حابارلامادا.
بۇعان دەيىن بقو پوليتسيا دەپارتامەنتىن ماحسۋدحان ءابلازىموۆ باسقارعان. ول 2016 جىلعى ماۋسىمداعى تەراكتىدەن كەيىن بىردەن اقتوبە وبلىسىنان اۋىستىرىلعان ەدى. ودان كەيىن لاڭكەستەردىڭ قولىنان جەتى ادام (ونىڭ ىشىندە ءۇش اسكەري قىزمەتكەر) قازا تاپتى, 38 ازاماتقا مەديتسينالىق كومەك كورسەتىلدى. 18 تەرروريست جويىلدى.
موي گورود باسىلىمنىڭ مالىمەتىنشە, ماحسۋدحان ءابلازىموۆ روتاتسيا پرينتسيپىمەن باسقا وڭىرگە اۋىستىرىلدى.
ارمان ورازاليەۆ ىشكى ىستەر ورگاندارىنىڭ گەنەرال-مايورى مولديار ورازاليەۆتىڭ ۇلى. 1975 جىلى شىمكەنت قالاسىندا دۇنيەگە كەلگەن. 2020 جىلدىڭ اقپان ايىندا قورداي اۋدانىنداعى وقيعالارعا بايلانىستى ورازاليەۆ جامبىل وبلىسى پد باسشىسى قىزمەتىنەن بوساتىلدى. بۇل قىزمەتكە دەيىن ول التى جىل ىشكى ىستەر مينيسترلىگى كريمينالدىق پوليتسيا كوميتەتى توراعاسىنىڭ ورىنباسارى قىزمەتىن اتقارعان. 2010-2011 جىلدارى پاۆلودار وبلىسى پد باسقاردى. 2009 جىلدىڭ قىركۇيەگىنەن 2010 جىلدىڭ قىركۇيەگىنە دەيىن استانا قالاسى ىشكى ىستەر دەپارتامەنتى باستىعىنىڭ ءبىرىنشى ورىنباسارى بولدى.
