QEFO - ادام ءومىرى ءۇشىن پايدالى ءارى ءتيىمدى زاماناۋي قۇرال. ونىڭ ورنىندا كۋلون, ساعات باۋى نەمەسە برەلوك بولۋى مۇمكىن. ەڭ باستىسى, مۇندا كەز-كەلگەن سمارتفوننىڭ كامەراسى ارقىلى وقۋعا جانە ادام تۋرالى اقپاراتتى بىلۋگە بولاتىن شاعىن QR-كود سۋرەتىنىڭ بولۋى شارت.
«مۇنداي مالىمەتتەر جيىنتىعى MEDICAL ID (مەديتسينالىق ID) دەپ اتالادى. ماسەلەن, مەديتسينالىق ID IPhon-دا بار جانە سمارتفون بۇعاتتاۋلى بولعان جاعدايدا دا, وعان قولجەتىمدىلىك شەكتەلمەيدى, ول ارقىلى مەديتسينالىق قىزمەتكەرلەر ناۋقاس تۋرالى قاجەتتى اقپاراتتى 5 سەكۋند ىشىندە الا الادى», دەيدى نۇرلىحان.
ەگدە جاستاعى ادامدار مەن سوزىلمالى اۋرۋلارى بار ناۋقاستار مەديتسينالىق يدەنتيفيكاتورلاردىڭ قاجەت ەكەنىن دالەلدەيدى. بۇگىندە دارىگەر قىزمەتىنە جۇگىنگەن كەز-كەلگەن ادامنىڭ دەنساۋلىعى تۋرالى تولىق اقپارات الۋ ءۇشىن زاماناۋي «دەۆايستار» مەديتسينا سالاسىندا كەڭىنەن قولدانىلىپ كەلەدى.
«مۇنداي اكسەسسۋارلار قوعام ءۇشىن وتە پايدالى. ماسەلەن, توتەنشە جاعدايلاردا ءومىر ءۇشىن اسا ماڭىزدى مينۋتتار جەكە تۇلعانى انىقتاۋ ءۇشىن زايا جۇمسالمايدى. بىلەزىك ەلەكتروندى ەمەس, ول قاراپايىم عانا. ولاردا 5G انتەننالارى مەن چيپتەر جوق. بىلەزىك قولدانۋشىسىن ميكروتولقىندارمەن ساۋلەلەندىرمەيدى جانە دەمەنتسيا قاۋپىن تۋدىرمايدى. بۇل ءجاي عانا گيپواللەرگەندى سيليكون جانە QR كودى بەينەلەنگەن نەيلون. مۇنداي اكسەسسۋارلار ادام دەنساۋلىعى ءۇشىن قاۋىپسىز. ءوز يدەيامدى جۇزەگە اسىرۋ ءۇشىن سايت قۇراستىراتىن tilda-دا سايت جاسادىم. سايتتا ادام تۋرالى جەكە دەرەكتەر ساقتالادى, سودان كەيىن QR-كودتى ازىرلەپ, وعان سايتتاعى دەرەكتەردى ەنگىزدىم», دەيدى ءوز ونەرتابىسىمەن بولىسكەن وقۋشى.
ايتا كەتسەك, نۇرلىحان «QEFO.KZ» بايلانىسسىز مەديتسينالىق كارتالار» جوباسىن مامىر ايىندا وتەتىن فەستيۆال بارىسىندا تانىستىرادى.
