وبلىستىق تجد مالىمەتىنشە, قايعىلى وقيعا 4 مامىردا بولعان.
«جەكە تۇرعىن ۇيدە 6 ادام (2 ەرەسەك جانە 4 بالا) بەلگىسىز زاتتان ۋلانعان. سالدارىنان 1984 جىلى تۋعان ەر ادام (اكەسى) مەن ءتورت بالاسى (2010 جىلعى قىزى جانە 2008, 2013, 2018 جىلى تۋعان ۇلدارى) قايتىس بولدى», دەپ حابارلادى الماتى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
سونداي-اق 1985 جىلى تۋعان ايەل (بالالاردىڭ اناسى) اۋرۋحاناعا جاتقىزىلعان. قازىرگى تاڭدا ونىڭ جاعدايى تۇراقتى, ونىمەن پسيحولوگتار جۇمىس ىستەپ جاتىر.
ء«ولىمنىڭ الدىن الا سەبەبى - بەلگىسىز زاتتان ۋلانۋ. ءمان-جايدى انىقتاۋ ءۇشىن توتەنشە جاعدايلار دەپارتامەنتىنىڭ ورتكە قارسى عىلىمي-زەرتتەۋ زەرتحاناسى, گاز قىزمەتى مەن سەس شۇعىل تۇردە شاقىرتۋ ورنىنا جىبەرىلدى», دەلىنگەن حابارلامادا.
