«ۇستالعان ادامدار ەسىرتكى زاتتارىن تاراتۋ جانە ساتۋ قىلمىستارى بويىنشا ايىپتالىپ وتىر. كۇدىكتىلەر قالانىڭ ءار جەرىندە جەكە-جەكە ۇستالدى. بارلىعى ۋاقىتشا ۇستاۋ يزولياتورىنا قامالدى. تەرگەۋ امالدارى ەسىرتكى زاتتاردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋدى كوزدەيتىن قر قك-ءنىڭ 297-بابىنا (1,3-ب.) سايكەس جۇرگىزىلۋدە», دەدى جەتىسۋ وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇماباەۆ.
جىل باسىنان بەرى وڭىردە زاڭسىز اينالىمنان 30 كەلىدەن استام ءتۇرلى ەسىرتكى زاتتارى تاركىلەندى. ولاردىڭ ىشىندە ماريحۋانا, گاشيش جانە «سينتەتيكا» ەسىرتكى زاتتارى بار.
