چەمپيوناتقا ەلىمىزدىڭ تۇكپىر-تۇكپىرىنەن 150-گە جۋىق مەرگەن – 7-9 جاس, 10-12 جاس, 13-15 جاس, 16-18 جاس ارالىعىنداعى قىزدار جانە ۇلدار قاتىسادى.
جارىس ءۇش ءتۇرلى نىسانا نەگىزىندە وتكىزىلەدى: پۋتا نىساناسى (5 وقتان 5 مۇمكىندىك), ورتا ازيا نىساناسى (5 وقتان 5 مۇمكىندىك) جانە جامبى نىساناسى (5 وقتان 3 مۇمكىندىك). جاس ەرەكشەلىكتەرىنە بايلانىستى ءار نىسانانىڭ اراقاشىقتىعى ءارتۇرلى. اتاپ ايتساق:
7-9 جاس – 10 مەتر (ۇلدار مەن قىزدار بولەك)
10-12 جاس – 15 مەتر (ۇلدار مەن قىزدار بولەك)
13-15 جاس – 20 مەتر (ۇلدار مەن قىزدار بولەك)
16-18 جاس – 25 مەتر (ۇلدار مەن قىزدار بولەك)
چەمپيوناتتىڭ ۇيىمداستىرۋشىلارى – ۇلتتىق سپورت قاۋىمداستىعى, «Sadaq Aty» رەسپۋبليكالىق ءداستۇرلى ساداق اتۋ فەدەراتسياسى. مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى مەن استانا قالاسى اكىمدىگى قولداۋ بىلدىرەدى.
جەڭىمپازدار مەدەلدارمەن, ديپلومدارمەن ماراپاتتالادى.
ءىس-شارا «KazTuran Sport» كەشەنىندە ۇيىمداستىرىلادى.
