ددۇ مالىمەتى بويىنشا, بۇكىل الەمدە 339 ميلليوننان استام ادام دەمىكپەمەن اۋىرادى. دەمىكپەنى تولىقتاي ەمدەۋ مۇمكىن ەمەس, بىراق اۋرۋدى باقىلاۋدا ۇستاپ, قولايلى ءومىر سۇرۋگە بولادى.
استانا تۇرعىندارى كۇنى بويى دەنساۋلىقتى كەشەندى زەرتتەۋ شەڭبەرىندە برونح دەمىكپەسىنىڭ ءورشۋ قاۋپى فاكتورلارىن انىقتاي الادى: انتروپومەتريالىق دەرەكتەردى ولشەۋ (بويى, سالماعى, دەنە سالماعىنىڭ يندەكسى), قانداعى گليۋكوزا مەن حولەستەرين دەڭگەيىن انىقتاۋ, قان قىسىمىنىڭ دەڭگەيى, تىنىس الۋ جۇيەسىنىڭ قىزمەتىن باعالاۋ (سپيرومەتردىڭ كومەگىمەن) جانە ت.ب. قىزمەتتەر ارقىلى پروفيلاكتيكالىق زەرتتەۋدەن وتەدى.
شارا 4 مامىر كۇنى №4, 5, 6, 10 قالالىق ەمحانالاردا, 5 مامىر كۇنى №7, 8, 9, 13 قالالىق ەمحانالاردا ۇيىمداستىرىلادى.
