ينفلياتسيا ءيىلدى

2022 جىلعى ساۋىرمەن سا­لىس­­­تىرعاندا كەڭسە تاۋارلارى – 68,5, كىر سابىن – 59,3, شاق­پاق قانت – 51,7, ىدىس جۋعا ارنالعان قۇرالدار – 51,6, قيار – 50,9, بالالار سابىنى – 49,6, كۇرىش – 43,9, كىر جۋ ۇنتاعى – 43, دارەتحانا قاعازى 42,7 پا­يىز­عا قىمباتتاعان. جىلدىق ماندە, كەرىسىنشە, قىرىققابات – 53,4, ءسابىز 19,2 پايىزعا ارزاندادى.

«ينفلياتسيا دەڭگەيىن سيپاتتايتىن تۇتىنۋ باعالارى ين­دەكسىنىڭ كورسەتكىشى اي سايىن ەسەپ­تەلەدى. تۇتىنۋ باعالارى­نىڭ يندەكسىن ەسەپتەۋ كەزىندە پايدالانىلاتىن تاۋارلار مەن قىز­مەتتەر سەبەتى 508 تاۋار مەن قىزمەتتەن تۇرادى, مۇندا 160 – ازىق-ت ۇلىك تاۋارلارى, 243 – ازىق-ت ۇلىككە جاتپايتىن تاۋار­لار جانە 105 – اقىلى قىز­مەتتەر. باعالاردى تىركەۋ بارلىق وبلىس ورتالىعىندا, استانادا جانە قالالار مەن اۋدان ورتالىقتارىندا ءارتۇرلى مەن­شىك نىسانىنداعى ساۋدا جانە قىزمەت كورسەتۋ كاسىپو­رىن­دارىنىڭ ىرىكتەمەلى جەلىسى بو­يىنشا جۇرگىزىلەدى», دەپ تۇ­سىن­دىرەدى ۇلتتىق ستاتيستيكا بيۋروسىنىڭ باعا ستاتيستيكاسى دە­پارتامەنتىنىڭ ديرەكتورى قۋانىشبەك جاقىپبەك ۇلى.

ازىق-ت ۇلىك تاۋارلارى ارا­سىندا جەمىس پەن كوكونىس باعاسى ەداۋىر قىمباتتاعان: ساۋىردە قىرىققابات – 4,7 پايىز, قىزاناق – 4,1 پايىز, ءجۇزىم – 3 پايىز, الما – 2,6 پايىز, المۇرت – 2,4 پايىزعا قىمباتتاعان. باعانىڭ ءوسۋى كۇرىشكە – 2,7 پايىز, سالقىنداتىلعان سۋ­سىن­دار­عا – 2,5 پايىز, روجكيلەرگە, ۋلتراپاستەرلەنگەن سۇتكە – ارقايسىسى 2,4 پا­يىزدان, سالقىنداتىلعان با­لىق­قا – 2,2 پايىز, پاستەرلەنگەن ءسۇت, ماكارون ونىمدەرىنە – ارقايسىسى 2,1 پايىزدان بايقالدى. بۇل رەتتە قيار – 11,4 پايىز, قاراقۇمىق جارماسى – 3,7 پايىز, كۇنباعىس مايى 2,6 پايىزعا ارزاندادى.

«قىزمەت كورسەتۋ بويىنشا باعالاردىڭ ءوسۋى جولاۋشىلار اۋە كولىگىندە بايقالدى, ءبىر ايدىڭ ىشىندە ۇشۋ قىزمەتى 17,7 پايىزعا قىمباتتادى. باعانىڭ جوعارىلاۋى شاشتاراز بەن سۇلۋلىق سالوندارىندا – 1,5 پايىز, جەرلەۋگە بايلانىستى سالت-جورا جاساۋ قىزمەتتەرىندە – 1 پايىز بولىپ تىركەلدى. ساناتوري قىزمەتتەرى – 1,1 پايىز, دەنساۋلىق ساقتاۋ قىزمەتتەرى 0,9 پايىزعا قىم­بات­تاعان. وڭىرلەر اراسىندا ەڭ جوعارى ايلىق ينفلياتسيا اباي جانە ۇلىتاۋ وبلىستارىندا – ارقايسىسىندا 1,4 پايىزدان (ورتاشا رەسپۋبليكالىق دەڭگەيدەن 0,5 پايىزدىق تار­ماق­قا جوعارى), ەڭ تومەنگى استانا قالاسىندا تىركەلدى – 0,5 پايىز», دەپ حابارلايدى ۇلت­تىق ستاتيستيكا بيۋروسى.