جەتكىنشەكتەرگە ارنالعان جۋرنال

رەسپۋبليكا ءجاسوسپىرىم­دەرىنىڭ جۇرەگىنە جول تارتۋ­دى ماقسات ەتكەن «تايماس» جۋر­نالىنىڭ تۇساۋكەسەر ءراسىمى «تاۋەلسىزدىك» سارايىندا ءوتتى. بۇعان دەيىن وتاندىق تەلەار­نالاردا ۇلت مادەنيەتىن ءدارىپ­تەۋ ماقساتىندا «ونەر شەجى­رەسى», «قازاقستان بي الەمى» باع­دارلامالارىمەن ەل ىقىلا­سىنا بولەنىپ جۇرگەن «J-Group Production» ۇجىمى «تايماس» جۋرنالى ارقىلى تالاي قازاق بالاسىنىڭ تالعامى مەن تانىمىن وزگەرتكىسى كەلەدى. ءبۇ­گىن­گى ۇرپاققا كونەدەن كەلە جات­قان سارقىلمايتىن قۇندى­لىق­تارىمىزدى زاماناۋي تىلدە جەت­كىزىپ, جۋرنالدىڭ قىزىقتى ايدارلارىمەن وي بولىسۋگە شاقىرادى. ءوز سوزىندە جۋرنالدىڭ ماقسات-مۇددەسىمەن تولىقتاي تانىستىرا كەتكەن «J-Group Production» قوعامدىق قورىنىڭ ءتورايىمى انا شاكەرحان باسىلىم بولاشا­عىنان ۇلكەن ءۇمىت كۇتەتىنىن ايتتى. يگى ىستەردىڭ جانىندا جۇرەتىن سەنات دەپۋتاتى سۆەتلانا جالماعانبەتوۆا جاستاردىڭ جۋرنال بەتىندە وي ءبولىسۋى, ەرتەڭگە دەگەن نىق سەنىمى سۇيسىندىرەدى, – دەدى. جۋرنالدىڭ قولعا تيگەن ال­عاشقى سانىنان-اق جاڭا لەپ, تىڭ يدەيالاردىڭ ۇشقىنى قىلاڭ بەرەدى. جانسايا ابدىمالىك, اسىلحان تولەپوۆ سىندى جاس دارىنداردىڭ سىر-سۇحباتى, استانا تۋرالى قىسقا دا نۇسقا دەرەكتەر, تانىم كوكجيەگىن كەڭەي­تەر الەم مادەنيەتى تۋرالى دۇنيەلەر وقىرمان نازارىنان تىس قالا قويمايدى. ەلوردامىزدا العاش رەت جارىق كورگەن عىلىمي-تانىمدىق جاسوسپىرىمدەر جۋرنالىنا جۋرناليستەر قاۋىمى تۇعى­رىنان تايماسىن دەگەن تىلەكتەرىن ايتىپ تاراستى. دينارا مالىكوۆا.