ۇلتتىق سىيلىققا «ۇزدىك پروزا», «ۇزدىك پوەزيا», «ۇزدىك دراما», «ۇزدىك ادەبي اۋدارما», «ۇزدىك بالالار ادەبيەتى», «ۇزدىك ادەبي سىن», «ۇزدىك كوميكس» نوميناتسيالارى بويىنشا شىعارمالار قابىلدانادى.
اتالمىش بايقاۋعا وتاندىق قالامگەرلەر قاتىسا الادى, سونداي-اق ۇمىتكەرلەردىڭ جاس ەرەكشەلىگىنە بايلانىستى ەشقانداي شەكتەۋ جوق.
وتىنىمدەر 2023 جىلعى 1 مامىر – 1 قىركۇيەك ارالىعىندا www.aiboz.kz سايتى ارقىلى قابىلدانادى. ادەبي سىيلىق جىل سوڭىندا تابىستالادى.
- «ايبوز» – وتاندىق قالامگەرلەرگە مەملەكەت تاراپىنان قولداۋ كورسەتۋ جانە ىنتالاندىرۋ ماقساتىندا مادەنيەت جانە سپورت مينيسترلىگى ۇيىمداستىراتىن ۇلتتىق ادەبي سىيلىق. بايقاۋعا بۇرىن-سوڭدى ەش جەردە جاريالانباعان شىعارمالار عانا قابىلدانادى. بۇل قازاق ادەبيەتىنىڭ قورى 7 نوميناتسيا بويىنشا جۇزدەگەن جاڭا تۋىندىلارمەن تولىعادى دەگەن ءسوز. سونداي-اق قالامگەرلەر اراسىندا باسەكە پايدا بولىپ, سونىڭ ناتيجەسىندە وقىرمانعا وزەكتى, قىزىقتى ءارى زاماناۋي شىعارمالار جول تارتادى, - دەدى مينيسترلىككە قاراستى ارحيۆ, قۇجاتتاما جانە كىتاپ ءىسى كوميتەتى كىتاپ ءىسى باسقارماسىنىڭ باسشىسى الماز مىرزاحمەت.
