«ادام كاپيتالى - كەز كەلگەن ەلدە تۇراقتى ەكونوميكالىق ءوسۋدىڭ نەگىزگى درايۆەرى. دۇنيەجۇزىلىك بانكتىڭ مالىمەتىنشە, دامىعان ەلدەردەگى ۇلتتىق بايلىقتىڭ 70 پايىزى - ادام كاپيتالى بولسا, قالعان 30 پايىزى - تابيعي جانە ونەركاسىپ رەسۋرستارى. باتىس ەۋروپادا ادام كاپيتالىنىڭ ۇلەسى 70-80 پايىزدى قۇرايدى. قازاقستاندا بۇل كورسەتكىش – نەبارى 40 پايىز», دەدى ولجاس قۇسپەكوۆ پرەمەر-ءمينيستردىڭ اتىنا جولداعان دەپۋتاتتىق ساۋالىندا.
دەپۋتاتتىڭ ايتۋىنشا, بۇل كورسەتكىشتىڭ تومەندەۋىنە پاندەميا كەزەڭى اسەر ەتكەن. ەلىمىزدە ادامي كاپيتالدى دامىتۋعا قاتىستى ورتاق كوزقاراس جوق, بۇل سالانى رەتتەيتىن بىرىڭعاي ستراتەگيالىق باعدارلامالىق قۇجات تا جاسالماعان.
«الەمدىك تاجىريبەدە ادامدارعا ينۆەستيتسيا تاماقتانۋدىڭ, مەديتسينالىق كومەكتىڭ ساپاسىن ارتتىرۋ, ساپالى ءبىلىم بەرۋ, جۇمىس ورىندارىن قۇرۋ جانە كاسىبي بىلىكتىلىكتى ارتتىرۋ ارقىلى جۇزەگە اسادى. ادامي كاپيتالدى قۇرۋدا ەڭ جوعارى جەتىستىكتەرگە قول جەتكىزگەن ەلدەر تۇراقتى كۇش-جىگەردە, مينيسترلىكارالىق ۇيلەستىرۋدى ورناتۋدا جانە ستراتەگيالار مەن باعدارلامالاردى دايىنداۋدا تابىستى بولدى. وسىعان بايلانىستى ادامي كاپيتالدى دامىتۋدىڭ ۇلتتىق باعدارلاماسىن ازىرلەۋدى ۇسىنامىن», دەدى ول.
