جىل باسىنان بەرى قازاقستانعا قانداستاردىڭ جارتىسى (53,9%) وزبەكستاننان كەلگەن. سونداي-اق 19,1% – قىتايدان, 12,1% – رەسەيدەن 5,6% – تۇرىكمەنستاننان, 5,7% – موڭعوليادان, جانە 1% باسقا ەلدەردەن قونىس اۋدارعان.
كەلگەن ەتنيكالىق قازاقتار نەگىزىنەن الماتى (27,2%), ماڭعىستاۋ (13,8%), تۇركىستان (6,4%) جانە جامبىل (5,1%) وبلىستارىنا, سونداي-اق استانا (11%), الماتى (8,8%) جانە شىمكەنت (7,1%) قالالارىنا قونىستاندى.
وسى جىلدىڭ 1 مامىرىنداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 68,8%-دى, ەڭبەككە قابىلەتتى جاستان كىشى ازاماتتار 22,9%-دى جانە زەينەتكەرلەر 8,3%-دى قۇرايدى.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 18%-ى جوعارى ءبىلىمدى, 38,6%-ى ورتا كاسىبي ءبىلىمدى, 37,4%-ى جالپى ورتا ءبىلىمدى جانە 5,9%-ىنىڭ ءبىلىمى جوق.
