اۋىلدار اقپاراتتىق جۇيەگە ەنەدى

وبلىس اكىمدىگى ساۋلەت جانە قالا قۇرىلىسى باسقارماسىنىڭ باسشىسى ايتقازى قارابالاەۆ­تىڭ ايتۋىنشا, وڭىرلىك گەو­اق­پا­راتتىق جۇيەنى قۇرۋ جۇمىس­­تارى ۋاقتىلى اياقتال­عان. ناتي­جە­سىندە, وبلىس ورتالىعى تاراز قا­لاسىنداعى جەر ۋچاسكەلەرى شەكارالارىن سايكەستەندىرۋ ءۇشىن اەروفوتوتۇسىرىلىم جۇمىستارى جۇرگىزىلگەن.

«وبلىس جانە قالا تۇر­عىن­دارى ءۇشىن گەوپورتالدىڭ اشىق كارتاسى جاسالىپ, 160-تان اسا گەوپورتالدىڭ ەلەكتروندىق كە­زەك­شى كارتاسى قىزمەت بابىندا پاي­دالانۋ ءۇشىن رەتكە كەلتىرىلدى. ونىڭ ىشىندە گەوپورتالعا ار­نالعان 367 بىرىڭعاي تالاپقا ساي كارتوگرافيالىق دەرەكتەر ەنگىزىلدى. اۋقىمدى جۇمىس­تى ماماندار دەر كەزىندە جۇيەلە­گەنىن ايتا كەتكەن ءجون. بۇدان بولەك, مەملەكەتتىك قىزمەتتى تسيفر­لاندىرۋ جۇمىستارى دا جولعا قويىلدى. ناقتىراق ايتار بولساق, ساۋلەت جانە قالا قۇ­رىلىسى سالاسىنا قاراستى 6, جەر قاتىناستارى سالاسىنا قاراستى 8 مەملەكەتتىك قىز­مەت دەر كەزىندە اۆتوماتتاندى­رىلدى. بۇگىنگى تاڭدا وبلىس اكىم­دىگىنىڭ تسيفرلىق تەحنولو­گيالار باسقارماسىنا قاراستى وڭىرلىك گەواقپاراتتىق جۇيە­سى ورتالىعى تاراپىنان بىرقا­تار اۆتوماتتاندىرىلعان مەملە­كەت­تىك قىزمەتتى ىسكە قوسۋ جۇ­مىستارى جۇرگىزىلۋدە. بۇل شا­رۋا­نىڭ دا ۋاقتىلى اياقتا­لا­تىنىنا ەشقانداي كۇمان جوق», دەيدى باسقارما باسشىسى جاع­دايدى ءتۇسىندىرىپ.

ا.قارابالاەۆتىڭ ايتۋىنشا, وبلىس اكىمدىگىنە قاراستى 14 باس­قارمادا جالپى سانى 24 اۆتو­ماتتاندىرىلعان جۇمىس ورنى قالىپتاستىرىلىپ, دەرەكتەر ەنگىزىلەدى. بۇگىندە باسقارما تاراپىنان مەملەكەتتىك قىزمەت­تەردى وڭدەۋ, ءتۇسىندىرۋ باعىتىندا بىرقاتار ناقتى جۇمىس قولعا الىنعان.

«وڭىرلىك گەواقپاراتتىق جۇيە­نى جىلجىمايتىن م ۇلىكتىڭ بىرىڭعاي مەملەكەتتىك كاداس­ترى اقپاراتتىق جۇيەسىمەن, ەلەك­تروندى ۇكىمەت پورتالىمەن «Smart Bridge» پلاتفورماسى ار­قىلى تاجىريبەلىك ينتە­گرا­تسيا­لاۋ جۇمىستارى 100 پا­يىز ورىندالعانىن اي­تا كەت­كەن ءلازىم. سونىمەن قا­تار مەملە­كەتتىك مەنشىكتەن جەر ۋچاس­كەلەرىنە قۇقىق بەرۋ جو­نىندەگى قاناتقاقتى جوبا­نىڭ «جەر ۋچاسكەلەرىن اۋك­تسيون ارقىلى بەرۋ» قىز­مەت­تەرى دە اۆتوماتتاندىرىل­دى. ات­قارىلىپ جاتقان جۇمىس مۇ­نىمەن توقتاپ قالعان جوق. وسى جىلى وبلىستىڭ وڭىرلىك گەواق­پا­راتتىق جۇيەسىن تولىق­تاي اياق­تاپ, ىسكە قوسۋ ءۇشىن بىر­قاتار قاجەتتى دەرەكتى تو­لىق­تىرۋ كەرەك. بۇل ەندى كەزەك كۇت­تىرمەيتىن شارۋا دەسەك تە بولا­دى. ول ءۇشىن ەكى بىردەي وزەك­­­تى ماسەلەنى دەر كەزىندە رەت­­­تەۋ كەرەك. ءبىرىنشى كەزەكتە وڭىر­­دەگى 359 ەلدى مەكەننىڭ باس جوس­پارىن تسيفرلاندىرۋ ماسە­لەسىنە ايرىقشا نازار اۋدا­رىپ وتىرمىز. سول ارقىلى گەواق­پاراتتىق جۇيەگە ەنگىزەمىز. باس جوسپار جوباسىن تسيفرلاندىرۋ ارقىلى قىزىل سىزىقتاعى ايماقتار, فۋنكتسيونالدىق اي­ماقتار, قورعاۋ ايماقتارى, ءاربىر جەر ۋچاسكەلەرىنىڭ نىسانالى ماقساتى, كوشە جولى جەلىسى, بوس جەر ۋچاسكەلەرى جانە وزگە قالا قۇرىلىسى دەرەكتەرى ەنگىزىلمەك.

بۇدان بولەك, الداعى ۋاقىتتا اۋدان ورتالىقتارىنا 1:500 ماس­شتابتاعى اەروفوتوتۇسىرىلىم جۇ­مىستارىن جۇرگىزۋدى جوسپارلاپ وتىرمىز. باستى ماقساتىمىز – بوس جەر تەلىمدەرىن انىقتاۋ با­رىسىندا تاڭدالعان جەر ۋچاس­كەسىنىڭ قولدانىستاعى جەر تەلى­مىنىڭ شەكاراسىنا كىرمەي ءدال كون­فيگۋراتسيادا بولۋىن قامتا­ماسىز ەتۋ, باس جوسپار مەن ەگجەي-تەگجەي جوبالاۋدى ءدال ماس­شتاب­پەن بايلانىستىرۋ. سول ارقىلى گەوپورتال جۇيەسىنە ءوڭىر ەلدى مەك­ەن­دەرىندەگى بوس جەر ۋچاس­كەلە­رىن جا­ريالاۋعا مۇمكىن­دىك تۋ­ماق», دەيدى ا.داۋلەت­قۇل­ ۇلى.

باسقارما باسشىسىنىڭ سو­زىنە سەنسەك, وسى جۇمىستار ءوز دەڭ­گەيىندە اتقارىلعان كەزدە مەملەكەتتىك مەنشىكتەگى جەر ۋچاس­­­كەلەرىنە ەلەكتروندى قۇقىق بەرۋ قىزمەتىن ىسكە اسىرۋعا تو­لىق­تاي مۇمكىندىك تۋادى. سون­داي-اق وبلىس ورتالىعى سانالا­تىن تاراز قالاسى مەن شۋ, جاڭا­تاس, قاراتاۋ قالالارىندا جەر ۋچاسكەلەرى جاڭا ادىسپەن, ياعني ەلەك­تروندى تۇردە بەرىلەدى ەكەن.       

ء«تيىستى قىزمەتتەردى الۋ ءۇشىن ءبىرىنشى كەزەكتە ءوتىنىش بەرۋشى «E-Gov» پورتالىنا تىركەلىپ, «جا­­ريا كاداسترلىق كارتا» ار­قى­لى ءوتىنىشتى ۇسىنادى. ءوتى­نىش ودان ءارى قاراي e-jambyl.kz سايتى ارقىلى وڭىرلىك گەو­اق­­پاراتتىق جۇيەسىنە جولدا­نادى. گەوپورتال ارقىلى كەل­گەن وتىنىشكە سايكەس جەر ۋچاس­كەسىن بەرۋ نەمەسە باس تارتۋ ما­سەلەسى قارالادى. بەرىلگەن جاع­دايدا قاجەتتى قۇجاتتاردى ازىر­لەۋ, كەلىسىمشارتتى الۋ, دايىن قۇجاتتى ۇسىنۋ سەكىلدى جۇمىستار كەزەگىمەن جۇزەگە اسادى. ءتيىستى شەشىمدەردى قابىلداۋ, كەلىسىمدەردى الۋ بويىن­شا ادىلدىك پەن اشىقتىقتى قام­تاماسىز ەتۋ ءۇشىن جاريا كا­داسترلىق كارتاعا جەر ۋچاس­كەلەرى, قۇقىقتىق جانە قالا قۇرى­لىسى تالاپتارى تۋرالى دەرەكت­ەر ەنگىزىلەدى. جوعارىدا اتال­عان دەرەكتەر ءبىرىنشى كەزەكتە وب­لىستىڭ e-jambyl.kz گەوپور­تالىنا تولىقتىرىلىپ, ودان ءارى قاراي گەوپورتالمەن ينتەگرا­تسيا جۇرگىزۋ ارقىلى جاريا كاداس­تر­لىق كارتاعا ۇسىنىلادى. قازىرگى ۋاقىتتا باسقارما تاراپىنان گەوپورتالدى قوسىمشا دەرەكتەرمەن تولىقتىرۋ جۇمىستارى جوسپارعا سايكەس اتقارىلۋدا. البەتتە ءوڭىر ءۇشىن ماڭىزى زور جۇمىستى ۋاقتىلى جۇزەگە اسى­رۋعا كۇش سالىپ جاتىرمىز.

بۇدان بولەك, وسى جىلدىڭ ەكىن­شى توقسانىنىڭ باسىندا باس­قارما مەن «كازگيسا» جشس جانە جامبىل وبلىسى اكىم­­دىگىنىڭ تسيفرلىق تەحنو­لو­گيالار باسقار­ماسىنىڭ قا­تىسۋى­مەن تاراز قالاسى, شۋ, سا­رىسۋ, تالاس اۋدانى اكىمدى­گىنىڭ ساۋلەت جانە قالا قۇ­رى­لىسى, جەر قاتىناستارى بو­لىم­­دە­رىنىڭ جاۋاپتى ماماندارى جەر ۋچاسكەسىن جاڭا ادىسپەن بەرۋ تۋرالى ءتۇسىندىرۋ, تالداۋ جۇ­مىس­تارىن جۇرگىزدى», دەيدى باس­قارما باس­شىسى.

ايتقازى قارابالاەۆتىڭ ايتۋىنشا, الداعى ۋاقىتتا وڭىر­دەگى ءتورت شاعىن قالانىڭ مونوپوليا سۋبەكتىلەرى نازاردان تىس قالمايدى. جاڭا ادىسكە ساي جەر ۋچاسكەسىنىڭ تاڭداۋ اكتى­سىن گەوپورتال ارقىلى كەلىسۋ ۇدەرىس­تەرىن ءتۇسىندىرۋ, تالداۋ جۇمىس­تارى قولعا الىنباق.

جامبىل وبلىسى