كاسىپوداق ۇيىمىنىڭ شاراپاتى

ENRC-ءدىڭ قۇرامىنا كىرەتىن «قازحروم» تۇك» اق فيل­يا­لى – اقتوبە فەرروقورىتپا زاۋىتىندا جۇمىس بەرۋشى مەن جۇمىسشىلار اراسىندا ارنايى ۇجىمدىق ەڭبەك كەلىسىمشارتىن جاساسۋ ءبىر­نەشە جىلدان بەرى داستۇرگە اينالىپ وتىر. وسى ۇجىمدىق كەلىسىمشارتتا كاسىپورىن ەڭ­بەك­كەرلەرىنە الەۋمەتتىك جەڭىل­دىكتەر مولىنان قارال­عان. ولار سوعان سايكەس ءوز­دەرىنە ءتيىستى جەڭىلدىكتەرىن, كور­سەتىلگەن كومەكتەردى, جالاقى­­­لارىن دەر كەزىندە الادى. وسى ۇجىمدىق كەلىسىمشارت بويىنشا جۇمىس­شىلاردى تۇرعىن ۇيمەن قام­تاماسىز ەتۋگە ارنالعان باع­دارلاما 2006 جىلدان بەرى جۇزەگە اسىرىلىپ كەلەدى. 60 جۇ­مىس­شى باعدارلاما اياسىندا «باتىس -2» اۋدانىندا سالىنعان 120 پاتەرلى كوپقاباتتى تۇرعىن ۇيدەن باس­پانالى بولسا, تاعى 10 جۇمىسشى پاتەرلەرگە جەڭىل­دەتىلگەن ءبىر پايىزدىق نەسيە­مەن قول جەتكىزدى. ولاردىڭ باسىم كوپشىلىگى وندىرىسكە اسا قاجەتتى جاس ماماندار. سولاردىڭ ءبىرى ­­­­­­– شيكىقۇرام دايىنداۋ تسەحىنىڭ كران ءماشينيسى جاڭىل حاكيموۆا. ­­­­­­– مەن كوپ جىلدان بەرى شيكىقۇرام دايىنداۋ تسەحىندا كران ءماشينيسى بولىپ ەڭبەك ەتىپ كەلەمىن. باسپانالى بولۋ بۇگىنگى كۇنى وزەكتى ماسەلەسى بولىپ تۇرعانى شىندىق. كوپتەن بەرى ەكى بالاممەن پاتەر جالداپ تۇراتىن ەدىك. مىنە, زامان تالابىنا ساي سالىنعان جاڭا ۇيدەن ءبىر پايىزدىق نەسيەمەن ەكى بولمەلى پاتەرگە قول جەتكىزدىم. بۇل قاراپايىم ەڭبەك ادامىنا كومپانيا تاراپىنان كورسەتىلگەن ۇلكەن كومەك دەپ ەسەپتەيمىن, ­­­­­­– دەيدى ول. كومپانيانىڭ ەڭبەك ادامدارىنا ۇجىمدىقشارت بويىنشا ەڭبەكاقى تولەۋ, ەڭبەك جانە دەمالىس تارتىپتەرى, ءتۇرلى ەمدەۋ-ساۋىقتىرۋ ورىندارىندا ەم الىپ, دەنساۋلىقتارىن تۇزەتۋگە دە مۇمكىندىكتەر قا­را­ستىرىلعان. ساۋىقتىرۋ ساناتوريلەرىندە ەمدەلگەن جۇ­مىسشىلاردىڭ جولداما قۇنى­نىڭ بەلگىلى ءبىر بولىگىن كاسىپ­وداق ۇيىمى تولەيدى. ءتىپتى, جۇ­مىسشىلاردىڭ بالا­لارىنىڭ جازع­ى دەمالىستارىن ءتيىمدى, قى­زىقتى وتكىزۋگە دە قولداۋ جاساۋى داعدىعا اينالدى. وتكەن جىلى 483 زاۋىت بالالارى جازعى دەم­الىستارىن ۇتىمدى پايدالاندى, ونىڭ 280-ءى حرومتاۋداعى «مۇعالجار» لاگەرىندە, 123-ءى اقتوبە قالاسىنداعى «يۋكون» پروفيلاكتوريىندە دەنساۋلىقتارىن قالپىنا كەل­تىرسە, 80 بالا «بەرەكە» لاگەرىن­دە تىنىقتى. Cونداي-اق, ۇجىمدىق شارتتا ءارتۇرلى الەۋمەتتىك كەپىل­دىكتەر, جەڭىلدىكتەر, كومەكتەر, وتەماقىلار قاراس­­تىرىلعان. كومپانيا بولىمشەلەرىنە تىكەلەي بالالار ۇيىنەن نەمەسە وقۋ ورنىن اياقتاي سالا جۇمىسقا كەلگەن جەتىم بالا­لارعا 20 ەڭ تومەنگى ەسەپتىك كورسەتكىش كولەمىندە بىرجولعى جاردەماقى تولەۋ, 1 قىركۇيەك ­­­­­­– ءبىلىم كۇنىنە قارسى 18 جاسقا دەيىن 4 نەمەسە ودان دا كوپ بالاسى بار جۇمىسشىلارعا, جاسىنا قاراماي مۇگەدەك بالالار مەن كۇندىزگى بولىمدە وقيتىن ستۋدەنتتەردى قوسا ەسەپتەگەندە ءبىر وقۋشىعا 10 ەڭ تومەنگى ەسەپتىك كورسەتكىشى كولەمىندە ماتەريالدىق كومەك كورسەتىلەدى. سونىمەن قاتار, قاراۋىندا 18 جاسقا دەيىنگى مۇگەدەك بالاسى بار كومپانيا جۇمىسشىسىنا مۇگەدەك بالاسىنا 2 مەك كولەمىندە جاردەماقى, ەڭبەك ءوتىلىمى 10 جىل نەمەسە ودان دا كوپ ۇزدىكسىز ەڭبەك ەتكەن ەرلەرگە 50 مەن 60 جاس, ايەلدەرگە 50 مەن 55 جاس مەرەيتوي يەلەرىنە ورتاشا ايلىق جالاقى كولەمىندە بىرجولعى سىياقى تولەنەدى. كاسىپورىن جۇمىسشىلارىنىڭ الەۋمەتتىك جاعدايىن كوتەرۋگە قايتارىمدى قارجى كومەگى كورسەتىلەدى. ياعني ەمدەلۋگە, وقۋعا, تۇرمىستىق جاعدايىن جاقسارتۋعا قاراجات بولىنەدى. وتباسى مۇشەلەرىنىڭ قازاسىندا قازاقستان رەسپۋبليكاسى بو­يىن­شا 25 ەڭ تومەنگى كور­سەت­كىش كولەمىندە كومەك كور­سەتىلەدى. ارداگەرلەر كەڭەسىندە ەسەپتە تۇرعان ۇوس جانە ەڭ­بەك, اۋعانستان سوعىسى اردا­گەرلەرىنە, چەرنوبىل اەس اپاتىنا قاتىسقاندارعا دا وسىنداي ماتەريالدىق قامقورلىق جاسالادى. وسىنداي جەڭىلدىكتەرگە وتكەن جىلى تەك قانا زاۋىت كاسىپوداق ۇيىمىنان 36 ميلليون تەڭگەگە جۋىق قاراجات بولىنگەن. ءبىر سوزبەن ايتقاندا, كاسىپورىنداعى كاسىپوداق ۇيىمىنىڭ ءرولى ايرىقشا, ال زاۋىتتىقتار ۇجىمدىق شارتتا كورسەتىلگەن جەڭىلدىكتەردىڭ يگىلىگىن كورىپ كەلەدى. ساتىبالدى ءساۋىرباي, «ەگەمەن قازاقستان».­ ­­­­­­­­ اقتوبە وبلىسى.