«Zhambyl Economic and Investment Forum – 2023» حالىقارالىق ينۆەستيتسيالىق فورۋمى اياسىندا الەۋەتتى ينۆەستورلارعا ءوڭىردىڭ بارلىق مۇمكىندىكتەرى جان-جاقتى تانىستىرىلدى. جاڭارتىلعان ەنەرگيا كوزدەرى, تۋريزم, جەر قويناۋىن ءتيىمدى پايدالانۋ, اۋىل شارۋاشىلىعى سالاسىنداعى مۇمكىندىكتەر ينۆەستورلار نازارىنا ۇسىنىلعان حالىقارالىق ءىس-شارا بارىسىندا شەتەلدىك ءىرى كومپانيالارمەن 700 ميلليوننان استام اقش دوللارىنا كەلىسىمشارتتار جاسالىپ, وتاندىق كاسىپكەرلەر مەن شەتەلدىك ينۆەستورلار اراسىندا 20 ستراتەگيالىق كەلىسىم مەن مەموراندۋمدارعا قول قويىلدى.
اۋليەاتا توپىراعىنا ات باسىن بۇرعان مارتەبەلى مەيماندارعا ءبىرىنشى كەزەكتە شۋ اۋدانىنداعى «تاراز حيميالىق پاركى» ارنايى ەكونوميكالىق ايماعىنىڭ مۇمكىندىگى تانىستىرىلىپ, حالىقارالىق فورۋم اياسىندا باس قوسقان ماماندار ينۆەستيتسيالىق جوبالاردى دامىتۋ ماقساتىندا ۇيىمداستىرىلعان كەڭەستە پىكىرلەرىن ورتاعا سالدى.
ءوڭىر باسشىسىنىڭ ءبىرىنشى ورىنباسارى نۇرجان كالەندەروۆ الەۋەتتى ينۆەستورلارمەن وتكەن كەزدەسۋ بارىسىندا ەكونوميكالىق ايماقتاعى ءىرى جوبالاردىڭ مۇمكىندىگى تۋرالى ءسوز قوزعادى. سونىمەن بىرگە «تاراز حيميالىق پاركى» اەا باسقارما توراعاسى قايرات مۇقامبەتقاليەۆ الداعى ۋاقىتتا جۇزەگە اسىرىلاتىن بىرقاتار جوبالار جونىندە ويىن ورتاعا سالىپ, ولارعا ەكونوميكالىق ايماق تاراپىنان كورسەتىلەتىن جەڭىلدىكتەرگە توقتالدى.
«QazIndastry» اق بيزنەستى ىنتالاندىرۋ ديرەكتسياسىنىڭ باسشىسى ارىستانبەك ساعيەۆ ءوز سوزىندە كاسىپ اشۋعا نيەتتى ينۆەستورلارعا مەملەكەت تاراپىنان كورسەتىلەتىن كومەكتەر تۋرالى جان-جاقتى اڭگىمەلەدى. الداعى ۋاقىتتا ءوڭىر ەكونوميكاسىنىڭ لوكوموتيۆىنە اينالاتىن «تاراز حيميالىق پاركى» ارنايى ەكونوميكالىق ايماعىندا بۇگىندە جالپى قۇنى 249,7 ميلليارد تەڭگە بولاتىن 5 ينۆەستيتسيالىق جوبانى ىسكە اسىرۋ ءۇشىن 5 قاتىسۋشى تىركەلگەن. ولاردىڭ قاتارىندا گەوسينتەتيكالىق مەمبرانالار, ناتري ءتسيانيدى جانە فەرروسيليتسي ءوندىرۋ جوبالارى بار. اتالعان جوبالار ساتىمەن جۇزەگە اسقاندا مۇندا 2 000 ادامعا ارنالعان جاڭا جۇمىس ورنى اشىلماق.
Almaly resort-كە تۋريستەر اعىلاتىن كۇن جاقىن
«Zhambyl Economic and Investment Forum – 2023» حالىقارالىق ينۆەستيتسيالىق فورۋمى اياسىندا جامبىل اۋدانىنداعى «Almaly resort» ەتنوتۋريستىك دەمالىس ايماعى اشىلدى. «فورتيس كونستراكشن» جشس گرودەكوۆا اۋىلدىق وكرۋگى اۋماعىنان سالعان دەمالىس ورتالىعىنا بۇگىنگە دەيىن 700 ميلليون تەڭگە ينۆەستيتسيا تارتىلعان. مۇندا 10 شاقىرىم ەلەكتر جەلىسى جۇرگىزىلىپ, جوبادا كوزدەلگەن عيماراتتار بوي كوتەرگەن. جالپى, اۋماعى 9,6 گەكتار جەردى الىپ جاتقان دەمالىس ورتالىعىنداعى قۇرىلىس جۇمىستارىن ۋاقتىلى اياقتاۋ ءۇشىن 80 ازامات جۇمىسقا جۇمىلدىرىلعان بولاتىن.
ەتنوتۋريستىك دەمالىس ايماعىنىڭ اشىلۋ سالتاناتىنا مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسبەكوۆ باستاعان مارتەبەلى قوناقتار جانە ينۆەستورلار مەن بيزنەس وكىلدەرى قاتىستى.
«فورتيس كونستراكشن» جشس باسشىسى دوسان رىمتاەۆ مارتەبەلى مەيماندارعا ەۋروپالىق ۇلگىدە سالىنعان ورتالىقتىڭ مۇمكىندىگىن جان-جاقتى تانىستىردى. ورتالىقتا 70 ادامعا ارنالعان 7 كوتتەدج, 8 قوناقۇي, ەۋروپالىق ۇلگىدەگى مونشالار, 150 ادامدى تاماقپەن قامتاماسىز ەتۋگە ارنالعان مەيرامحانا, تەحنيكالىق جانە سەرۆيستىك نىساندار, باسسەيندەر, فۋتبول, تەننيس الاڭدارى, 120 ادامعا ارنالعان اشىق دەمالىس ورنى, ات سپورتىنا ارنالعان الاڭ, بالىق وسىرۋگە ارنالعان توعان سالىنعان.
سەرىكتەستىك باسشىسىنىڭ ايتۋىنشا, قۇرىلىس جۇمىستارى 10 ايدىڭ بەدەرىندە جۇرگىزىلگەن. ال ورتالىقتى ودان ءارى قاراي تۇرلەندىرۋ, بىرقاتار قاجەتتى نىسانداردى اياقتاۋ ءۇشىن 300 ميلليون كولەمىندە قاراجات جۇمسالماق. دەمالىس ايماعىنداعى اتقارىلعان اۋقىمدى جۇمىستارمەن تولىقتاي تانىسقان قوناقتار ورتالىقتىڭ تۋريستەردى قابىلداۋداعى الەۋەتىن جوعارى باعالادى.
400 ازامات جۇمىسپەن قامتىلادى
فورۋمنىڭ العاشقى كۇنىندە قورداي اۋدانىنداعى «KORCEM» جشس-نا قاراستى تسەمەنت زاۋىتىنىڭ قۇرىلىسى باستالدى. ءوڭىر باسشىسى نۇرجان نۇرجىگىتوۆ, سينگاپۋرلىق «ICG» كومپانياسىنىڭ وكىلى ۆەي پينگ, «KORCEM» جشس-ءنىڭ اتقارۋشى ديرەكتورى ستانيسلاۆ ششەرباكوۆتىڭ قاتىسۋىمەن اتالعان زاۋىت قۇرىلىسىنىڭ ىرگەتاسىنا كاپسۋلا سالۋ ءراسىمى ءوتتى.
«مەملەكەت باسشىسىنىڭ تاپسىرماسىنا سايكەس وڭىرىمىزدە جاڭا جۇمىس ورىندارىن اشۋ, ءىرى ينۆەستورلار تارتۋ بويىنشا اۋقىمدى جۇمىستار اتقارىلۋدا. وتكەن جىلدىڭ قورىتىندىسىنا ساي وڭىرگە جالپى سوماسى 400 ميلليارد تەڭگەدەن استام ينۆەستيتسيا تارتىلدى. ال بيىلعى جىلدىڭ ءبىرىنشى توقسانىندا وبلىستىڭ نەگىزگى كاپيتالىنا 70 ميلليارد تەڭگەگە جۋىق ينۆەستيتسيا سالىندى.
بۇگىندە وڭىردە جالپى قۇنى 1,5 تريلليون تەڭگە بولاتىن 10 ءىرى ينۆەستيتسيالىق جوبانىڭ پۋلى جاساقتالعان. مۇندا 4 500-گە جۋىق جاڭا جۇمىس ورنى قۇرىلادى دەپ جوسپارلانىپ وتىر. اتالعان ءتىزىم بۇگىن «International سement Group LTD» سينگاپۋرلىق ارىپتەستەرىمىزدىڭ ينۆەستيتسيالىق جوباسىمەن جانە «كوRCەم» سەرىكتەستىگىنىڭ تسەمەنت ءوندىرىسى بويىنشا زاۋىت قۇرىلىسىمەن تولىعىپ وتىر», دەيدى ءوڭىر باسشىسى نۇرجان نۇرجىگىتوۆ.
وبلىس اكىمىنىڭ ايتۋىنشا, جەرگىلىكتى اتقارۋشى ورگاندار تاراپىنان بۇل جوباعا جان-جاقتى قولداۋ كورسەتىلمەك. ال «KORCEM» جشس-ءنىڭ اتقارۋشى ديرەكتورى س.ششەرباكوۆتىڭ ايتۋىنشا, زاۋىت جاڭا تەحنولوگيامەن جابدىقتالماق. سونداي-اق بۇل ورتالىق ازياداعى زاماناۋي كاسىپورىنداردىڭ ءبىرى بولماق. جالپى قۇنى 50 ميلليارد تەڭگە بولاتىن جوبانىڭ جىلدىق قۋاتى 1,2 ميلليون توننانى قۇرايدى. قۇرىلىس جۇمىستارىنا 900 ادام تارتىلادى. جوبا ىسكە قوسىلعان سوڭ جەرگىلىكتى تۇرعىندار ءۇشىن 400-گە جۋىق جاڭا جۇمىس ورنى اشىلادى. زاۋىتتىڭ تسەحتارى 2024 جىلدىڭ سوڭىنا قاراي كەزەڭ-كەزەڭىمەن ىسكە قوسىلادى. ال 2025 جىلى تولىق قۋاتىندا جۇمىس ىستەيدى.
سونىمەن قاتار اۋىل شارۋاشىلىعى ۆيتسە-ءمينيسترى ءابىلحايىر تامابەك, وبلىس اكىمىنىڭ ورىنباسارى قاناتبەك مادىبەك باستاعان توپ قورداي اۋدانىنداعى «GreenwiII» جشس-ءنىڭ جىلىجاي كەشەنىمەن, مەركى اۋدانىنداعى «مىحان وردا» جشس-ءنىڭ جاڭبىرلاتىپ سۋارۋ تەحنولوگياسىمەن, «جەمىس-جيدەك» سەرىكتەستىگىنىڭ قۇلپىناي القابى جانە «ار-اس» شارۋا قوجالىعىنىڭ «تاۋ قىمىز» ءونىمىن شىعاراتىن تسەحتىڭ جۇمىسىمەن تانىستى. فورۋم اياسىندا «مىحان وردا» شارۋا قوجالىعىنىڭ ەگىس القابىندا اۋىل شارۋاشىلىعى باعىتى بويىنشا سەمينار-كەڭەس ۇيىمداستىرىلدى.
سەمينارعا كورشى قىرعىز رەسپۋبليكاسى تالاس وبلىسىنىڭ گۋبەرناتورى, اۋىل شارۋاشىلىق مينيسترلىگىنىڭ, قىتاي, وڭتۇستىك كورەيا, تۇركيا ەلدەرى ءىرى كومپانيالارىنىڭ وكىلدەرى, شارۋالار, عىلىمي-زەرتتەۋ ينستيتۋتىنىڭ ماماندارى قاتىستى. شارۋالار مەن ينۆەستورلار سالالىق مينيسترلىك پەن جەرگىلىكتى بيلىك وكىلدەرىنە ساۋالدارىن جولداپ, ءارتۇرلى ۇسىنىستارىن ايتتى.
ونلاين تىركەۋدەن وزىپ تۇر
تسيفرلاندىرۋ باعىتى بويىنشا اتقارىلعان جۇمىستاردى سارالاۋ ءۇشىن يران, ليتۆا, قىتاي, ساۋد ارابياسى جانە ەلىمىزدىڭ ءار قيىرىنان كەلگەن قوناقتار ش.مۇرتازا اتىنداعى حالىقارالىق تاراز يننوۆاتسيالىق ينستيتۋتىنىڭ بازاسىنداعى IT اكادەمياسىنىڭ جۇمىسىمەن تانىستى.
فورۋم اياسىندا تسيفرلاندىرۋ باعىتى بويىنشا قوناقتار «قوعامدىق كەلىسىم» ۇيىندە «اقىلدى قالالاردىڭ» ماسەلەلەرى مەن دامۋى جونىندەگى جيىنعا قاتىستى. سونداي-اق تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين ءوڭىر تۇرعىندارىمەن جانە «ZHEIF-2023» فورۋمىنىڭ قاتىسۋشىلارىمەن كەزدەستى.
مەملەكەت باسشىسىنىڭ تاپسىرماسىنا سايكەس حالىقپەن كەزدەسىپ وتىرعانىن ايتقان مينيستر ەلىمىزدە تسيفرلاندىرۋ سالاسىندا اتقارىلىپ جاتقان جۇمىستارعا توقتالدى.
ءمينيستردىڭ ايتۋىنشا, مەملەكەتتىك قىزمەتتەردى تسيفرلاندىرۋ ءىسى جولعا قويىلعان. بۇگىندە مەملەكەتتىك قىزمەتتەردىڭ 92 پايىزى اۆتوماتتاندىرىلعان, ەلەكتروندى فورماتقا اۋىسقان. بىرىككەن ۇلتتار ۇيىمىنىڭ رەيتينگىسىندە قازاقستان ونلاين قىزمەت كورسەتۋ بويىنشا الەمدە 8 ورىندا بولسا, تەلەكوممۋنيكاتسيا سالاسىندا 28 ورىندى يەلەنگەن.
وتكەن جىلى جامبىل وبلىسىندا 1 ميلليون 800 مىڭ قىزمەت كورسەتىلگەن بولسا, ونىڭ 60 پايىزى ونلاين تۇردە جۇزەگە اسىرىلعان. ال كولىكتى ونلاين تىركەۋ بويىنشا جامبىلدىقتار كوش باستاپ تۇر.
حالىقارالىق فورۋم اياسىندا بايزاق اۋدانىنداعى «الەل اگرو» اق-نىڭ قۇراما جەم شىعارۋ زاۋىتى ىسكە قوسىلدى. دەرەكتەرگە سەنسەك, زاۋىتىنىڭ جالپى قۇنى 4,4 ميلليارد تەڭگەنى قۇرايدى. قۇس فابريكاسىندا وندىرىلەتىن ءونىمدى كوبەيتۋ جانە باعانىڭ قولجەتىمدى بولۋىن قامتاماسىز ەتۋ ماقساتىندا ىسكە قوسىلعان زاۋىت جىلىنا 96,0 مىڭ توننا جەم وندىرۋگە قاۋقارلى.
«قۇس ەتى ءونىمىن ارتتىرۋ جانە باعانىڭ قولجەتىمدىلىگىن قامتاماسىز ەتۋ ءۇشىن اشىلعان «الەل اگرو» اكتسيونەرلىك قوعامىنىڭ قۇس فابريكاسىنداعى جىلىنا 100 مىڭ تونناعا جۋىق جەم وندىرەتىن زاۋىتتىڭ بولاشاعى زور.
وبلىستا 2019-2021 جىلدارى 4 ءىرى قۇس فەرماسىندا 15,4 مىڭ توننا قۇس ەتى ءوندىرىلىپ, 2022 جىلى قوسىمشا «الەل اگرو» اكتسيونەرلىك قوعامىنىڭ قۇس فابريكاسى قۇرىلدى. الداعى جىلدارى بۇل باعىتتاعى جۇمىستى جالعاستىرىپ, كاسىپورىندار اشۋ كوزدەلگەن. 2026 جىلعا قاراي قۇس ەتىن ءوندىرۋ كولەمىن 15,4 مىڭ توننادان 70 مىڭ تونناعا دەيىن ارتتىرۋ جوسپارلانۋدا. وسىلايشا ءوز-ءوزىمىزدى قۇس ەتىمەن قامتۋ ماسەلەسى شەشىلەدى», دەيدى ءوڭىر باسشىسى ن.نۇرجىگىتوۆ. ونىڭ ايتۋىنشا, زاۋىت تولىق قۋاتىندا جۇمىس ىستەگەندە ىشكى نارىقتى تولىعىمەن قامتيدى.
اۋىل شارۋاشىلىعى ۆيتسە-ءمينيسترى ءابىلحايىر تامابەك ينۆەستيتسيالىق فورۋم اياسىندا شيكىزاتتان تەرەڭ وڭدەۋگە كوشۋدىڭ ماڭىزدىلىعىنا توقتالىپ, قۇراما جەم وندىرۋگە مەملەكەت تاراپىنان 25 پايىز سۋبسيديا قارالعانىن جەتكىزدى.
بۇل كۇنى بايزاق اۋدانىندا گوفرلەنگەن كارتون جانە تاستان جاسالاتىن دايىن قاعاز قاپتاما ءوندىرۋ زاۋىتى ىسكە قوسىلدى. «KazStoneBox» جشس-ءنىڭ گوفرلەنگەن كارتون ءوندىرۋ زاۋىتى سوڭعى نۇسقاداعى اۆتوماتتاندىرىلعان قوندىرعىلارمەن جابدىقتالعان.
«وسىنداي ءوندىرىس وشاقتارىن اشۋ بويىنشا ينۆەستورلاردى تارتا وتىرىپ, ءتيىستى جۇمىستاردى جالعاستىرا بەرەمىز. بۇل جوبا اۋدان جانە ءوڭىر ەكونوميكاسىنىڭ دامۋىنا وڭ اسەرىن تيگىزەدى. ال جەرگىلىكتى اتقارۋشى ورگاندار تاراپىنان ءوندىرىستىڭ ۇزدىكسىز جۇمىس ىستەۋىنە جان-جاقتى قولداۋ كورسەتىلەدى», دەدى ءوڭىر باسشىسى زاۋىتتىڭ ىسكە قوسىلۋ راسىمىندە سويلەگەن سوزىندە.
قۇنى 1,7 ميلليارد تەڭگە بولاتىن جوبا جىلىنا 12 مىڭ تونناعا جۋىق ءونىم وندىرۋگە قاۋقارلى. مۇندا 50-گە جۋىق تۇراقتى جۇمىس ورنى اشىلادى دەپ جوسپارلانىپ وتىر. سەرىكتەستىك باسشىسى ب.ۇمىتقاليەۆتىڭ ايتۋىنشا, مينەرالدى شيكىزاتتان جاسالعان قاپتاما شىعاراتىن كاسىپورىننىڭ پوستكەڭەستىك ەلدەردە بالاماسى جوق, شيكىزات رەتىندە مينەرالدى كالتسي كاربوناتىن پايدالاناتىن بىرەگەي ءوندىرىس ورنى بولىپ وتىر.
فورۋم اياسىندا اۋليەاتاعا ات باسىن بۇرعان مەيماندار ءوڭىردىڭ تاريحي ورىندارىن تاماشالادى. ولار «تاراز – شەبەرلەر قالاسى» كورمەسىن تاماشالاپ, جامبىلدىق قولونەرشىلەردىڭ قولىنان تۋىندىلارىن جوعارى باعالادى. ۇناتقان زاتتارىن ساتىپ العاندار دا بولدى. قازاقستاننىڭ ءار قيىرىنان كەلگەن ازاماتتار اقىرتاس تاريحي كەشەنىنە باردى. كەيىننەن ايشا ءبيبى, تەكتۇرماس, قاراحان كەسەنەلەرىندە بولىپ, ءوڭىر تاريحىمەن تانىستى.
«اۋليەاتا ونىمدەرى 17 ەلگە ەكسپورتتالادى»
«Zhambyl Economic and Investment Forum – 2023» حالىقارالىق ەكونوميكالىق جانە ينۆەستيتسيالىق فورۋمىنىڭ ەكىنشى كۇنى پلەنارلىق وتىرىستارمەن باستالدى. فورۋم بارىسىندا ءسوز سويلەگەن ءوڭىر باسشىسى نۇرجان نۇرجىگىتوۆ حالىقارالىق ءىس-شارانىڭ ايماق ءۇشىن ماڭىزدىلىعىن اتاپ ءوتتى.
«وڭىردە «جاسىل تەحنولوگيالاردى» ەنگىزە وتىرىپ, اۋىلشارۋاشىلىعىن دامىتۋعا مۇمكىندىك مول. ءبىزدىڭ وبلىس بالامالى ەنەرگيا كوزدەرى سالاسىنداعى جوبالاردى ىسكە اسىرۋدا ەڭ قولايلى وڭىرلەردىڭ قاتارىنا كىرەدى. ءبىز ءوز ونىمدەرىمىزدى الەمنىڭ 17 ەلىنە, اتاپ ايتقاندا قىتاي مەن پارسى شىعاناعى مەملەكەتتەرىنە ەكسپورتتايمىز. وسىنداي ترانزيتتىك الەۋەتكە يە بولا وتىرىپ, ءوڭىر بۇكىل ورتالىق ازيانىڭ نەگىزگى لوگيستيكالىق ورتالىعىنا اينالماق», دەدى نۇرجان نۇرجىگىتوۆ.
ايماق باسشىسى ءوز سوزىندە جەرگىلىكتى بيلىك تاراپىنان قاجەتتى ينۆەستيتسيالىق جاعدايلار جۇيەلى جاسالىپ جاتقانىن تىلىنە تيەك ەتتى. جامبىل وبلىسى بۇگىندە گەرمانيا, تۇركيا, سينگاپۋر, قىتاي, ءۇندىستان, فرانتسيا, وڭتۇستىك كورەيا, جاپونيا سياقتى ەلدەرمەن ەكونوميكالىق بايلانىس ورناتقان.
«وڭىردە 350-دەن استام ءىرى جانە ورتا كاسىپورىندار بار بولسا, ونىڭ نەگىزگى باعىتتارى – حيميا, ازىق-ت ۇلىك, مەتاللۋرگيا, قۇرىلىس ماتەريالدارى ءوندىرىسى. وبلىستا 200-دەن استام ءتۇرلى پايدالى قازبالار بار. وبلىس فوسفوريت جانە پلاۆيكوشپات شيكىزاتىنىڭ بىرەگەي بازاسى بولىپ تابىلسا, ءتۇرلى-ءتۇستى مەتالدار, باريت, كومىر, قولونەر جانە تەحنيكالىق تاستار, قۇرىلىس ماتەريالدارىنىڭ قورى جەتكىلىكتى.
ءبىز اگروونەركاسىپتىك كەشەندە, تۋريزم, ونەركاسىپ جانە بالامالى ەنەرگيا ءوندىرىسى سالالارىندا جالپى سوماسى 3,8 ميلليارد اقش دوللارىن قۇرايتىن الەۋەتتى ينۆەستيتسيالىق جوبالاردى ازىرلەپ, قىزىعۋشىلىق تانىتىپ جاتقان ينۆەستورلارعا ۇسىنۋعا دايىنبىز», دەيدى ن.نۇرجىگىتوۆ. سونداي-اق ول ءوڭىر ەكونوميكاسىن وركەندەتۋ ءۇشىن ينۆەستورلاردىڭ قاتىسۋىن كەڭەيتۋگە جانە وبلىسقا تۋريستەردى تارتۋعا جەرگىلىكتى اتقارۋشى بيلىك مۇددەلى ەكەندىگىن باسا ايتتى.
ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا, جامبىل وبلىسىنىڭ 90 اۋىلىندا بيىل 13,6 ميلليارد تەڭگەگە 271 جوبا ىسكە اسپاق. سونداي-اق وتكەن جىلى جۇمىس ىستەگەن شاعىن جانە ورتا كاسىپكەرلىك سۋبەكتىلەرىنىڭ سانى 29 پايىزعا ءوسىپ, 92,6 مىڭعا جەتكەن. ال جۇمىسپەن قامتىلعانداردىڭ سانى 16 پايىزعا ارتقان.
جامبىل وبلىسىندا قاڭتار-ناۋرىز ايلارىندا قۇرىلىس سالاسىندا 31 پايىز, ونەركاسىپ سالاسىندا 4,4 پايىز ءوسىم قامتاماسىز ەتىلگەندىگى ايتىلدى. ال ينۆەستيتسيانىڭ ناقتى ءوسۋ قارقىنى 3,1 پايىزعا اينالىپ, 69 ميلليارد تەڭگە بولعان.
ەكى كۇنگە سوزىلعان حالىقارالىق فورۋم اياسىندا شەتەلدىك كومپانيالارمەن قۇنى 700 ميلليون اقش دوللار تۇراتىن مەموراندۋمدارعا قول قويىلدى. ولاردىڭ قاتارىندا ينديا, سينگاپۋر, گەرمانيا, ۆەنگريا سەكىلدى بىرقاتار مەملەكەتتەردىڭ ينۆەستورلارى بار.
شەتەلدىك كومپانيالار جامبىل وبلىسى اۋماعىندا فەرروقورىتپا, تسەمەنت زاۋىتىنىڭ قۇرىلىسى, قۇرىلىس ماتەريالدارىن ءوندىرۋ, كۇن ەلەكتر ستانسالارىن سالۋ, تاماق ونەركاسىبى جانە لوگيستيكا يندۋستريالىق پاركى سەكىلدى جوبالاردى جۇزە اسىرۋدى جوسپارلاپ وتىر.
حالىقارالىق فورۋم بارىسىندا «قازاقستاننىڭ ۇزدىك تاۋارى» كورمە-بايقاۋىنىڭ جەڭىمپازدارىن ماراپاتتاۋ ءىس-شاراسى ۇيىمداستىرلىپ, توپ جارعاندارعا قۇرمەت كورسەتىلدى. جامبىل وبلىسى كاسىپكەرلەر پالاتاسىنىڭ ۇيىمداستىرۋىمەن وتكەن بايقاۋعا جامبىل وبلىسىنىڭ 150 تاۋار ءوندىرۋشى كومپانياسى ءوز تاۋارىن ۇسىندى, ونىڭ ىشىندە 40 تاۋار ءوندىرۋشى ء«بىر اۋىل ءبىر ءونىم» جوباسى اياسىندا قاتىستى.
ينۆەستيتسيالىق فورۋم اياسىندا ءوڭىر باسشىسى نۇرجان نۇرجىگىتوۆ بىرقاتار وتاندىق جانە شەتەلدىك كومپانيالاردىڭ وكىلدەرىمەن ديدارلاسىپ, پىكىر الماستى.
فرانتسيالىق «Total Open Services» كومپانياسى مويىنقۇم اۋدانىندا قۋاتى 1 گۆت جەل ەلەكتر ستانساسىن سالۋدى جوسپارلاپ وتىرعانى ءمالىم. جوبا قۇنى – 500 ميلليارد تەڭگە. جوبا جۇزەگە اسقاندا 300 تۇراقتى, 1 000 ۋاقىتشا جۇمىس ورنى قۇرىلماق. اكىممەن كەزدەسۋدە «Tوtal Open Services» جشس باس ديرەكتورى تەرري پلەزان جەر تەلىمىن ءبولۋ, ەكولوگيالىق قاۋىپسىزدىككە قاتىستى ماسەلەلەردى كوتەردى. وبلىس اكىمى ينۆەستورلارعا ءتيىستى زاڭ شەڭبەرىندە جان-جاقتى قولداۋلار كورسەتىلەتىنىنە سەندىردى.
ال ۇندىستاندىق «Monnet Group» كومپانياسى ايماقتا جوعارى ساپالى فەرروسيليتسي, فەررومارگانەتس شىعاراتىن زاۋىت سالۋ جوباسىن جۇزەگە اسىرۋعا كىرىسكەن. سونداي-اق «Bazar Fur» تۇرىك كومپانياسى وڭىردە تۇرمىستىق تەحنيكا وندىرەتىن زاۋىت سالۋعا نيەتتى. «KazBioSorgo» جشس وكىلدەرى قانت قۇرعاعىن ءوسىرۋ جانە وڭدەۋ جوباسىن تانىستىرسا, «Monterra Qasaqstan» جشس كومپانياسىنىڭ وكىلدەرىمەن قورداي اۋدانىندا تاۋ-كەن مەتاللۋرگيا كومبيناتىن سالۋ ماسەلەلەرى تالقىلاندى. بۇدان بولەك كەزدەسۋدە «Taraz Gelatin» جشس باسشىلىعى جەلاتين ءوندىرىسىنىڭ جوباسىن ۇسىندى. سونىمەن قاتار «Wanlin Group Limited» قىتاي كومپانياسىنىڭ وكىلى كەپتىرىلگەن پياز وندىرەتىن زاۋىت سالۋ تۋرالى جوسپارى بار ەكەنىن جەتكىزدى.
باسقوسۋدا ءاربىر جوبا بويىنشا جاۋاپتى تۇلعالارعا ناقتى تاپسىرمالار بەرىلدى. تاپسىرمالاردىڭ ىسكە اسىرىلۋ بارىسى وبلىس اكىمىنىڭ جەكە باقىلاۋىنا الىنباق. جالپى, بۇل كۇنى نۇرجان نۇرجىگىتوۆ 20-عا جۋىق ىسكەرلىك كەلىسسوزدەر جۇرگىزدى.
كەيىننەن ءوڭىر باسشىسى كونسۋلدىق كورپۋس وكىلدەرىمەن كەزدەستى. كەزدەسۋگە يران يسلام رەسپۋبليكاسىنىڭ الماتىداعى باس كونسۋلى موحسەن فاعاني, قحر باس كونسۋلى تسزيان ۆەي, بەلگيا كورولدىگىنىڭ قۇرمەتتى كونسۋلى ۆان دەن ۆەيح قاتىستى.
تاراپتار ەكىجاقتى ىنتىماقتاستىق پەن ستراتەگيالىق ارىپتەستىكتى دامىتۋ ماسەلەلەرىن, ەلدەر اراسىنداعى ساۋدا-ەكونوميكالىق قاتىناستاردىڭ الەۋەتىن تالقىلادى. وبلىس اكىمى ءوز كەزەگىندە ءوڭىردىڭ ينۆەستيتسيالىق مۇمكىندىكتەرى تۋرالى ويىمەن ءبولىستى. ال كونسۋلدىق كورپۋس وكىلدەرى جامبىل وبلىسىمەن الەۋمەتتىك-ەكونوميكالىق بايلانىستاردى نىعايتۋعا مۇددەلى ەكەندىكتەرىن جەتكىزدى.
جامبىل وبلىسى
