يندۋستريالىق جوبالار باقىلاۋعا الىندى

بيىلعى بەس ايدىڭ الەۋ­مەتتىك-ەكونوميكالىق دام­ۋ­ كورسەتكىشتەرى كوڭىل توعايت­­­قانىمەن, اتقارار جۇمىس از ەمەس. وتكەن جىلدىڭ سا­لىستىرمالى كەزەڭىنەن كورسەت­­كىش­تەر جوعارى. ونەركاسىپتە 433,8 ملرد. تەڭگەنىڭ ءونىمى ءوندىرىلدى. ءۇيب بويىنشا بيىل 17,5 ملرد. تەڭگەگە 13 جوبا قولعا الىندى. ەلباسى جۋىردا ءوڭىر­گە جاساعان جۇمىس ساپارىندا اتالعان باعدارلاما اياسىندا ءجۇ­زەگە اسىرىلعان جوبالاردىڭ كەيبىرى تولىق قۋاتىنا ەنبەگەنىن سىنعا العان بولاتىن. وسى رەتتە ايماقتاعى جۇمىسى اقساپ تۇرعان ءتورت جوبانى جۇزەگە اسىرۋ بارىسى قاتاڭ باقىلاۋعا الىندى. سونىمەن قاتار, مەملەكەت باسشىسىنىڭ تاپسىرماسى بويىنشا, مەملەكەتتىك باعدارلامالاردى ءتيىمدى پايدالانۋ شارالارى كۇشەيتىلەدى. بۇل تۋرالى ءوڭىر باسشىسى بەردىبەك ساپارباەۆ وبلىستىق ءماسليحاتتىڭ سەسسياسىندا ءما­لىمدەدى. دەپۋتاتتار الدىندا بايانداما جاساعان وبلىس اكىمى اۋىل شارۋاشىلىعىندا وندىرىلگەن ءونىم كولەمىنىڭ 53 ملرد. تەڭگەنى قۇراپ, مال باسىنىڭ ايتارلىقتاي وسكەنىن, ەگىستىك القابىنىڭ 56 مىڭ گەكتارعا ارتقانىن جەتكىزدى. تۇرعىن ءۇي سالاسىنداعى مەجە 112 پايىزعا ورىندالىپ وتىر. جىل سوڭىنا دەيىن 340 مىڭ شارشى مەتر باس­پانا پايدالانۋعا بەرىلەدى. ارينە, سىن دا بار. اسىرەسە, جول ساپاسىنا قاتىستى ايتىلىپ جاتقان سىننىڭ ورىندى ەكەنىن جەتكىزگەن ايماق باسشىسى جول جوندەۋگە 5 ملرد. تەڭگە بولىنگەنىن ايتتى. سەمەي – قالباتاۋ, پاۆ­­­لودار – سەمەي, الماتى – وسكەمەن باعىتتارىنداعى جولداردىڭ قۇرى­لىسى ويداعىداي ءجۇرىپ جاتىر. وسكەمەن – ريددەر مەن وسكەمەن – زىريان باعىت­تارىنداعى جولدار جوندەۋ جۇمىستارىن قاجەت ەتەدى. سەسسيادا, سونداي-اق, زىريان, كۋرچاتوۆ, ريد­دەر جانە سەرەبريانكا قالالا­رىن دامىتۋدىڭ 2013-2015 جىل­دارعا ارنالعان كەشەن­دى جوس­پارى, سىبايلاس جەم­قورلىققا قارسى ءىس-قيمىل باعدار­لاما­سىنىڭ وڭىرىمىزدە جۇزەگە اسىرىلۋ بارىسى تالقىلاندى. دۋمان اناش, «ەگەمەن قازاقستان». وسكەمەن.