پرەزيدەنت قاسىم-جومارت توقاەۆ «جاسىل استانا» ەكولوگيالىق ايلىعى اياسىندا ۇيىمداستىرىلعان قالالىق سەنبىلىككە قاتىسىپ, ەلورداداعى جەلىلىك ساياباقتا اعاش وتىرعىزدى.
مەملەكەت باسشىسى سەنبىلىك بارىسىندا ۆولونتەرلەرمەن جانە ستۋدەنتتەرمەن اڭگىمەلەستى.
– قازاقستان – ءبىزدىڭ ورتاق ءۇيىمىز. سوندىقتان ءۇيىمىزدى تازا ۇستاۋىمىز كەرەك. اعاش وتىرعىزىپ, كوشەلەردى تازالاۋىمىز كەرەك. بۇل – ءبىزدىڭ ازاماتتىق بورىشىمىز. بىزدە باسقا ەل جوق. سوندىقتان ءبارىڭدى جاۋاپكەرشىلىگى مول ازامات بولۋعا شاقىرامىن. بارشاڭىزعا, اسىرەسە, ەرىكتىلەرگە العىس ايتامىن, – دەدى قاسىم-جومارت توقاەۆ.
سەنبىلىككە قاتىسقاندار 2 ءتۇپ قاراعاي جانە 39 ءتۇپ جوكە كوشەتىن ەكتى.
