سەلفي-كونكۋرستىڭ جۇلدەگەرلەرى انىقتالدى

«ەگەمەن قازاقستان» گازەتى ۇستىمىزدەگى جىلعى ماۋسىم-شىلدە ايلارىنىڭ توعىسقان تۇستارىندا استانا كۇنىنە وراي facebook الەۋمەتتىك جەلىسىن قولدانۋشىلار اراسىندا «استانا جانە مەن» اتتى selfie-كونكۋرس وتكىزگەن بولاتىن. كەشە سول بايگەنىڭ قورىتىندىسى شىقتى. ەندى بۇل كونكۋرستىڭ ماز­مۇنى­­نا از-كەم انىقتاما بەرە كەتەيىك.­ اعىل­شىن تىلىندە self «ءوزىم, ءوزى» دە­گەن ۇعىمدى بىلدىرەدى. ول قازىرگى تاڭ­­دا جاس­تار اراسىندا كەڭىنەن تا­را­عان ءوزىن ءوزى سۋرەتكە ءتۇسىرۋ ءادى­سى ين­تەرنەتتە, سونىڭ ىشىندە الەۋ­­مەت­تىك جەلىلەردى تۇراقتى ءتۇر­دە قول­داناتىندار اراسىندا ترەندكە اينالىپ وتىر دەسەك تە بولا­دى. رە­داكتسيا, مىنە, وسى توپ ارا­سىن­دا سا­يىس ۇيىمداستىرۋدى ءجون سانادى. كونكۋرستىڭ شارتى بويىن­شا وعان قاتىسۋشىلار استانا­نىڭ بۇگىنگى كەلبەتىن كورسەتەتىن نى­سان­دار اياسىندا تۇسكەن سۋرەت­تەرىن جولداۋعا ءتيىس بولاتىن. وسىعان وراي, سايىسقا قاتىسۋشىلار استانا اياسىندا تۇسكەن سۋرەتتەرىن facebook-تەگى  photo.egemen.kz  سايتىنا جىبەردى. كەلىپ تۇسكەن سۋرەتتەردىڭ ارقايسىسى مودەراتسيادان وتكەننەن كەيىن سايت بەتىنە ورنالاستىرىلدى. وسىلايشا, كونكۋرسقا كەلىپ تۇسكەن 71 سۋرەت­تىڭ ىشىنەن ىرىكتەۋ جاسالىپ, جەڭىم­پازدار انىقتالدى. «ەگەمەن قازاقستان» گازەتى ۇيىم­­داستىرعان «استانا ءجا­نە مەن» تاقىرىبىنداعى selfie-كون­كۋرستىڭ قورىتىندىسى بو­يىن­شا ءبىرىنشى ورىندى ەلۆيرا ەر­عا­لينا جەڭىپ الدى. ەكىنشى ورىن اينۇر راقىشەۆاعا بۇيىرسا, ءاي­گەرىم بورىباەۆا ءۇشىنشى ورىندى يەلەندى. كەشە «ەگەمەن قازاقستان» گازەتىنىڭ رەداكتسياسىندا كونكۋرس جۇلدەگەرلەرىنە سىيلىقتار تاپ­سىرۋ ءراسىمى بولدى. ونى باسى­لىم باسشىسى ساۋىتبەك ابدراح­مانوۆ جۇرگىزدى. ايدار ورىسباەۆ, «ەگەمەن قازاقستان». سۋرەتتى تۇسىرگەن ەرلان وماروۆ.