الماتى, استانا جانە شىمكەنت قالالارى ورنالاستىرۋ ورىندارىندا قىزمەت كورسەتىلگەن تۋريستەر سانىمەن كوش باستاپ تۇر. 2022 جىلى قازاقستاندا ورنالاستىرۋ ورىندارىنىڭ قىزمەتتەرىن پايدالانعان تۋريستەردىڭ جالپى سانى 7,3 ملن ادامعا جەتتى. بۇل ساننىڭ 45 پايىزدان استامى ءۇش مەگاپوليسكە تيەسىلى. سونىمەن قاتار, تەك ىشكى تۋريستەردىڭ جالپى سانى 8,6 ملن ادامدى قۇرادى.
ماسەلەن, الماتىدا بۇل كورسەتكىش 1,8 ملن ادامعا (417,4 مىڭ — شەتەلدىك تۋريستەر), استانادا — 1,2 ملن-عا جۋىق ادامعا (238,5 مىڭ شەتەلدىك) جەتتى, ال شىمكەنتكە 450 مىڭعا جۋىق دەمالۋشى (36,5 مىڭ شەتەلدىك) كەلگەن. ىشكى جانە سىرتتان كىرگەن تۋريستەر ەڭ از ايالداعان وڭىرلەردىڭ قاتارىنا ۇلىتاۋ وبلىسى كىردى. مۇندا 25 مىڭنان استام ادام توقتاعان. ودان كەيىن قىزىلوردا جانە باتىس قازاقستان وبلىستارى تۇر. اتالعان ەكى وڭىردەگى ورنالاستىرۋ قىزمەتتەرىن 100 مىڭ ادام پايدالانعان.
ايتا كەتەيىك, 2029 جىلعا دەيىن مادەنيەت جانە سپورت مينيسترلىگى قازاقستانداعى ىشكى تۋريستەر سانىن 11 ملن ادامعا, ال سىرتتان كەلەتىن تۋريستەر سانىن 4 ملن ادامعا دەيىن جەتكىزۋگە نيەتتى. ول ءۇشىن جاقىندا قابىلدانعان تۋريستىك سالانى دامىتۋ تۇجىرىمداماسىندا ناقتى ءىس-شارالار كوزدەلگەن.
