جەرگىلىكتى تۇرعىندار ءۇي اۋلاسىندا شارباق ورناتۋ ءۇشىن شۇڭقىر قازعان, سول كەزدە كونە جادىگەردى تاۋىپ العان كورىنەدى.
«اعالارىممەن بىرگە جەر قازىپ جاتىر ەدىك. كەنەتتەن كىتاپ بەتتەرى سياقتى زاتتار, توپىراقپەن ارالاس شىعا باستادى. ارابشا جازىلعان قاعاز ەكەندىگىن بايقادى. توپىراقتى اقىرىنداپ ارشىپ قالعان بولىگىن الىپ شىقتىق. ەشتەڭەگە ورالماعان. بەتتەرىنە جىلدار بويى ىلعال ءتيىپ ءبىر-بىرىنە جابىسىپ قالعان ەكەن. ەندى ونى ماماندار ءبىر-بىردەن اجىراتار. قازىر ۇيدە تۇر. ءبىز ونى سۇراعان ماماندارعا بەرۋگە دايىنبىز», دەيدى اۋىل تۇرعىنى ءسابيت مۇقانوۆ.
قۇراننىڭ ءبىراز بولىگى كۇرەك ءتيىپ ب ۇلىنگەن. ال قالعانىن تۇتاس كۇيىندە قالعان.
كىتاپتىڭ قاي عاسىرعا تيەسىلى ەكەندىگى بەلگىسىز. دەسە دە, ابدەن ەسكىرگەن بەتتەردە جازىلعان جازۋلار ءالى دە جويىلماعان ەكەن.
