ء«بىزدىڭ ەتنوساياساتىمىز ءبىرتۇتاس بولىپ, دايەكتى تۇردە جۇرگىزىلۋگە ءتيىس. سونداي-اق عىلىمي تۇجىرىمدارعا نەگىزدەلۋى قاجەت. وسى سالاداعى تاپسىرمالاردى ورىنداۋ بارىسىندا مەنىڭ سايلاۋ الدىنداعى تۇعىرنامام جانە باسقا دا ستراتەگيالىق قۇجاتتار باسشىلىققا الىنۋى كەرەك. مىسالى, قازىر الەۋمەتتىك سالادا جۇيەلى وزگەرىستەر جاسالىپ جاتىر.
مەن جاقىندا الەۋمەتتىك كودەكسكە قول قويدىم. مۇنداي ماڭىزدى قۇجات تمد مەملەكەتتەرى ىشىندە العاش رەت قولدانىسقا ەنگىزىلىپ وتىر. بۇل كودەكس ەلىمىزدىڭ جاڭا الەۋمەتتىك ساياساتىن ايقىندايدى, مەملەكەت پەن ازاماتتار اراسىنداعى قارىم-قاتىناستىڭ مۇلدە جاڭا ۇلگىسىن قالىپتاستىرادى», دەدى پرەزيدەنت.
ءبىر سوزبەن ايتقاندا, جاڭا كودەكس بۇگىنگى كۇننىڭ تالاپتارىمەن مەيلىنشە ۇندەسەدى. سول سياقتى ەتنوساياسات تا مەملەكەتتىڭ باسىمدىقتارىنا تولىق ساي كەلۋى كەرەك.
