قولداۋ كورسەتكەن قاراعاندى قالاسىنى اكىمدىگى. ساناۋلى ۋاقىتتان سوڭ قاراعاندى قالاسىنىڭ باسىنداعى 60 قوعامدىق كولىكتە ەلەكتروندى كىتاپ وقۋعا وسىنداي مۇمكىندىك جاسالادى. ازىرگە ونىڭ سانى – 22. بۇل ارادا تەك جولاۋشىنىڭ اقىلدى تەلەفونى ينتەرنەتكە قوسىلۋلى بولسا جەتكىلىكتى. QR كودپەن كوركەم شىعارمانى جۇكتەي الادى.
«جول ۇستىندەگى كىتاپحانا» كولىكتىڭ ورتاڭعى بولىگىندە ورنالاسقان. وندا ءار كوركەم شىعارمانىڭ QR-كودى جازىلعان. وقىرمان تالعامىنا سايكەس قازاق, ورىس, شەتەل ادەبيەتى بار. QR-كودتى سكانەرلەۋ ارقىلى جولاۋشى قالاعان تۋىندىسىن تەلەفونىنا جۇكتەيدى. جوبا حالىقتىڭ بەتىن كىتاپقا بۇرۋدى ماقسات تۇتىپتى.
«جىلجىمالى كىتاپحانا كوركەم ادەبيەتكە وقىرمان تارتۋ ءۇشىن جابدىقتالعان. قازاق, ورىس جانە شەتەل كلاسسيكاسى سەكىلدى ءۇش بولىمنەن تۇرادى. شىعارمالاردىڭ اراسىندا مۇحتار اۋەزوۆتىڭ «كوكسەرەك», اباي قۇنانباي ۇلىنىڭ «ەسكەندىر», الەكساندر پۋشكيننىڭ ەرتەگىلەرى, ارتۋر كونان دويلدىڭ «جوعالعان الەم» جانە باسقا دا تۋىندىلارى بار. جوباعا ءجۇرۋ باعىتتارى ۇزاق جانە جولاۋشىلار اعىنى قالىڭ مارشرۋتتار تارتىلدى», دەيدى قالا اكىمدىگىنىڭ ءباسپاسوز قىزمەتى.
ءباسپاوز قىزمەتىنىڭ مالىمدەۋىنشە, كىتاپحانانىڭ تسيفرلىق مۇراعاتىندا بارلىعى 41 تۋىندى. ونىڭ 21-ءى قازاق كلاسسيكاسى, 14-ءى شەتەل جانە قالعانى ورىس كلاسسيكاسى.
قاراعاندى
