اقپاراتتار اعىنى

● «قازاگرو» بيىل سول­تۇس­تىك قازاقستان شارۋالارىن قولداۋعا 8,2 ملرد. تەڭگە جۇم­سادى. ۆەدومستۆونىڭ ءمالى­مە­تىنشە, قازىرگى تاڭدا حولدينگتىڭ ينۆەستيتسيالىق قورجىنىندا 263,8 ملرد. تەڭگەنى قۇرايتىن 417 جوبا بار. ولاردىڭ 308-ءى پايدالانۋعا بەرىلگەن. سونىڭ ىشىندە 15,1 ملرد. تەڭگەنىڭ 47 جو­با­سى وسى وبلىستىڭ ەنشىسىندە. قازىر بۇلاردىڭ 37-ءسى ىسكە قو­سىلدى. ● پاۆلودار وبلىسىندا اۆتوموبيل جولدارى ساپاسىنىڭ اتلاسى جاسالادى. بۇل تۋرالى ايتقان وبلىس اكىمى قانات بو­زىمباەۆ وسى قۇجاتتىڭ نەگىزىندە جول جوندەۋ جوسپارلانىپ, كونكۋرستار وتكىزىلەتىنىن جەتكىزدى. ايماقتا جاڭارتۋ جۇمىستارىنا 5,4 ملرد. تەڭگە بولىنگەن. ● وسكەمەندە بەلگىلى اقىن ۇلىقبەك ەسداۋلەتتىڭ 60 جىل­دىعىنا ارنالعان كەش بولدى. وعان قاتىسقان شىعىس قازاقستان وبلىسىنىڭ اكىمى بەردىبەك ساپارباەۆ تانىمال قالامگەردى وسى مەرەيتويىمەن قۇتتىقتاپ, كولىك مىنگىزىپ, يىعىنا شاپان جاپتى. ● اقمولا وبلىسىنىڭ ششۋ­چە قالاسىندا كاسىپكەرلىكتى قولداۋ ورتالىعى اشىلدى. ونىڭ نەگىزگى ماقساتى كاسىپكەر بولۋعا ىنتا بىلدىرگەن اۋىل تۇر­عىندارىنا ويعا العان ءىسىن جۇزەگە اسىرۋعا, كاسىپكەرلەردىڭ بيزنەسىن دامىتۋعا قولداۋ كورسەتۋ بولىپ تابىلادى. ● وڭتۇستىك قازاقستانداعى كونە كۇلتوبە مۇراجاي قالا­شىققا اينالادى. تۇركىستان قالاسىنداعى ماۆزولەي ماڭىنان تابىلعان بۇل شاھاردى  مۇقيات ساقتاۋ ءۇشىن قازىر ونىڭ توبەسى جابىلىپ جاتىر.  بۇل ءۇشىن «مادەني مۇرا» باعدارلاماسى شەڭبەرىندە 9 ملن. تەڭگە قاراستىرىلعان. ● قىزىلوردادا استانا كۇنىنە وراي 232 پاتەر پايدا­لانۋعا بەرىلدى. وبلىس اكىمى قى­رىمبەك كوشەرباەۆ جاڭا قونىس يەلەرىن قۇتتىقتاپ, ولارعا سالتاناتتى تۇردە كىلت تابىس ەتتى. مۇندا بارلىعى 8 كوپقاباتتى ءۇي قاتارعا قوسىلدى. ەندى بيىل رەسپۋبليكالىق جانە جەرگىلىكتى بيۋدجەتتەردىڭ ەسەبىنەن 5 ملرد. 257 ملن. تەڭگەگە 24 تۇرعىن ءۇي سالىنىپ, ولاردىڭ 22-ءسى جىل سوڭىنا دەيىن بىتەدى. ● قوستاناي قالالىق بالالار اۋرۋحاناسى جانىنان وڭال­تۋ ورتالىعى اشىلدى. وندا نەۆرولوگيالىق كەسەلگە شال­دىققان بالالار ەم قابىل­دايدى. ورتالىقتى قاجەتتى جاب­دىق­تارمەن قامتاماسىز ەتۋ ءۇشىن جەرگىلىكتى بيۋدجەتتەن 8 ملن. تەڭگە قارجى شىعارىلعان. ● اقتوبەلىكتەر پوليتسياعا 310 قارۋ تاپسىردى. وبلىس تۇر­عىن­دارى قازىر زاڭسىز ساقتالعان قارۋدى تاپسىرۋ جونىندەگى اكتسياعا بەلسەنە قاتىسۋدا. سونىمەن بىرگە, ازاماتتار پوليتسياعا 8 مىڭ دانا قارۋ-جاراق, 0,5 كيلو وق-ءدارى مەن 4 قىلىشتى ەرىكتى تۇردە اكەلىپ تاپسىرعان. حابارلار «قازاقپارات», اltaynews.kz, Alau.kz, Egemen.kz اگەنتتىكتەرى مەن وبلىستىق اكىمدىكتەر سايتتارىنىڭ دەرەكتەرى بويىنشا دايىندالدى.