مۇنداي شەشىم ANTIKOR مەن وقۋ-اعارتۋ مينيسترلىگىنىڭ بىرلەسكەن وتىرىسىندا قابىلداندى.
بۇعان ءبىلىم بەرۋ سالاسىنداعى ءتۇرلى سىبايلاس جەمقورلىق قىلمىستاردىڭ جيىلەپ كەتكەنى سەبەپ بولدى.
تەك سوڭعى 3 جىل ىشىندە ءبىلىم بەرۋ سالاسىندا 300-دەن استام جەمقورلىق قۇقىق بۇزۋشىلىق تىركەلدى, تەرگەۋ جۇمىستارى بارىسىندا 200-گە جۋىق ادامنىڭ قىلمىستىق ارەكەتتەرى اشكەرەلەندى.
سىبايلاس جەمقورلىق سيپاتى بار قىلمىستاردىڭ كوبى شىمكەنت قالاسىنا, شىعىس قازاقستان, تۇركىستان جانە قىزىلوردا وبلىستارىنا تيەسىلى. قىزىلوردا, اقتوبە وبلىستارى مەن تالدىقورعان قالاسىنىڭ ءبىلىم بەرۋ سالاسىنىڭ قىزمەتكەرلەرىنە قاتىستى سوڭعى رەزونانستىق ىستەر ەلەۋلى جەمقورلىق سحەمالارىنىڭ بار ەكەندىگىن راستايدى.
الدىن الا زەرتتەۋ بارىسىندا قاراجاتتى ۇرلاۋ بيۋدجەتتىك وتىنىمدەردى قالىپتاستىرۋ ساتىسىندا جۇرەتىنى انىقتالدى.
بۇل رەتتە مەكتەپتەردىڭ, ءبىلىم بولىمدەرىنىڭ جاۋاپتى قىزمەتكەرلەرى جانە باسقا دا ادامدار ءسوز بايلاسادى.
قارجىلاندىرۋدى العاننان كەيىن قاراجات قالالىق, اۋداندىق ءبىلىم بولىمدەرىنە بولىنەدى, ال ۇنەمدەلگەن سوما ەڭبەكاقى تولەۋ قورىنا اۋدارىلادى.
تەرگەۋدىڭ نۇسقاسى بويىنشا مۇنداي تاجىريبە تالدىقورعان قالاسىنىڭ ءبىلىم ءبولىمىنىڭ باس بۋحگالتەرىنە ء«ولى جاندارعا», ۇلەستەس تۇلعالارعا ەسەپتەۋ ارقىلى 2 ملرد تەڭگەگە جۋىق اقشا ۇرلاۋعا مۇمكىندىك بەردى. ءتىنتۋ بارىسىندا كۇدىكتىدەن 1 ملرد تەڭگە سوماسىندا اقشالاي قاراجات تابىلدى جانە تاركىلەندى, ونىڭ ەداۋىر بولىگى شەتەل ۆاليۋتاسىندا بولدى.
«مۇنداي قۇقىق بۇزۋشىلىقتار بيۋدجەتتىك وتىنىمدەردى قالىپتاستىرۋ تەتىكتەرىنىڭ جەتىلمەگەندىگى, ءبىلىم بەرۋ قىزمەتكەرلەرىن ورتالىقتاندىرىلعان ەسەپكە الۋدىڭ بولماۋى جانە وسى پروتسەستەردى تسيفرلاندىرۋدىڭ جەتكىلىكسىزدىگى ناتيجەسىندە مۇمكىن بولدى», دەپ اتاپ ءوتتى اسحات جۇماعالي.
