قالا اكىمدىگىنىڭ ءباسپاسوز قىزمەتى حابارلاعانداي, قازىرگى تاڭدا وبلىس ورتالىعىندا ۇلى وتان سوعىسىنا قاتىسقان 13 ارداگەر تۇرادى.
ولاردىڭ ارقايسىسىنا 1,5 ملن تەڭگەدەن بەرىلەدى.
«سونىمەن قاتار, مايدانگەرلەردەن بولەك, 15 سانات بويىنشا ءبىر جولعى تولەماقى بەرىلەدى. ولاردىڭ اراسىندا تىل ەڭبەككەرلەرى, ەكىنشى دۇنيەجۇزىلىك سوعىس كەزىندە قىزمەت اتقارعان اسكەري قىزمەتشىلەر, لەنينگراد قورشاۋدا بولعاندا جۇمىس ىستەگەن ازاماتتار, كونتسلاگەرلەردىڭ كامەلەتكە تولماعان تۇتقىندارى, جارالانۋى سالدارىنان مۇگەدەك بولعان اسكەري قىزمەتشىلەر, چەرنوبىل, اۋعانستان, تاۋلى قاراباق قاقتىعىستارىنىڭ قاتىسۋشىلارى بار. جالپى, ورال قالاسىندا جەڭىس كۇنىنە وراي بارلىعى 2808 ادامعا 175 ملن تەڭگە كولەمىندە تولەماقى ءبولىندى», دەپ حابارلادى ۆەدومستۆو وكىلدەرى.
