2022 جىلى 6 قاڭتار كۇنى ۇلتتىق قاۋىپسىزدىك كوميتەتى كارىم ماسىموۆكە مەملەكەتكە ساتقىندىق جاسادى دەگەن ايىپ تاعىپ, قر قىلمىستىق كودەكسىنىڭ 175-بابىنىڭ 1-بولىگى بويىنشا تەرگەۋگە العان ەدى. سونىمەن قاتار, ونىڭ ورىنباسارلارى دا كۇدىككە ىلىنگەن.
بۇعان دەيىن باس پروكۋرور كارىم ءماسىموۆتىڭ 17 جىلعا دەيىن باس بوستاندىعىنان ايىرىلۋى مۇمكىن ەكەنىن ايتقان.
سوت پروتسەسى «اسا قۇپيا» تۇردە وتكىزىلدى.
استانا قالالىق سوتىنىڭ رەسمي مالىمەتىنە سايكەس, سوت شەشىمى بويىنشا قر ۇقك بۇرىنعى توراعاسى 18 جىلعا سوتتالدى. ال ونىڭ ورىنباسارلارى ا.سادىقۇلوۆ - 16 جىلعا, د.ەرعوجين تاعىلعان ايىپتارعا سايكەس - 15 جىلعا, م.وسيپوۆ بولسا بيلىك پەن لاۋازىمدىق وكىلەتتىگىن اسىرا پايدالانۋ بابىمەن 3 جىلعا باس بوستاندىعىنان ايىرىلدى. سونداي-اق ولار ءومىر بويى لاۋازىمدى قىزمەت اتقارا المايدى. وعان قوسا, بارلىعى گەنەرال شەندەرىنەن جانە مەملەكەتتىك ناگرادالارىنان ايىرىلدى.
سوتتالعانداردىڭ مال-م ۇلىكتەرى دە تاركىلەندى. الايدا وندىرىلگەن قارجىنى مەملەكەتكە قايتارۋ تۋرالى شەشىم زاڭدى كۇشىنە ەنگەن جوق.
