سونىمەن 1 مامىردان باستاپ باعدارلاماعا قاتىسۋشىلارعا وتباسى بانك ارقىلى زاەمدار تولەنە باستايدى. جانە جۇرتتىڭ ۋاقىتىن ۇنەمدەپ, مەملەكەتتىك قولداۋعا يە بولۋ ءىسىن جەدەلدەتۋ, ءارى جەڭىلدەتۋ ءۇشىن «ديپلوممەن – اۋىلعا!» جوباسى تسيفرلىق فورماتقا اۋىستىرىلدى. الايدا وسى باعدارلاماعا قاتىستى وتانداستارىمىز بىلۋگە ءتيىستى بىرنەشە ماڭىزدى ماسەلە بار. سەبەبى ەندى ناق وتباسى بانك بۇرىن الىنعان قارىزدار مەن جاڭا بيۋدجەتتىك نەسيەلەر بويىنشا قىزمەت كورسەتە باستايتىن بولادى. بۇرىنعى كليەنتتەر اي سايىنعى تولەمدەرىن كەشىكتىرمەۋ ءۇشىن ءساۋىر ايىنىڭ سوڭىنا دەيىن وتباسى بانكىنىڭ كليەنتى بولىپ ۇلگەرۋى قاجەت. مۇنى ونلاين جاساۋعا بولار ەدى, بىراق كليەنتتىڭ كەلىسىمىنسىز مۇنى اتقارۋ مۇمكىن ەمەس.
قازىر بانك بۇرىنعى وپەراتوردان «مۇراعا قالعان» 38 مىڭ ادامى بار كليەنتتىك بازانى قابىلداپ ۇلگەردى. وسى وتانداستارىمىز ءۇشىن وتباسى بانكتە جاڭا ەسەپشوت اشىپ ۇلگەرۋ وتە ماڭىزدى بولعاندىقتان, وتباسى بانكتىڭ قاشىقتان قىزمەت كورسەتۋ دەپارتامەنتىنىڭ ديرەكتورى ارسۋلان چەرنيازوۆپەن سۇحباتتاسقان ەدىك.
– «ديپلوممەن – اۋىلعا!» جوباسىنىڭ زاەمشىلارى نەسيەلەرىن تولەۋدى كەدەرگىسىز جالعاستىرا بەرۋ ءۇشىن 1 مامىرعا دەيىن وتباسى بانكتە ەسەپشوتتارىن اشۋعا ءتيىس. ەگەر مۇنى جاساپ ۇلگەرمەسە, وندا تولەمدەرى كەشىگەدى. كليەنتتەردىڭ ەسەپشوتتارىمەن قاتار, دەپوزيتتەرى دە بىرگە اشىلاتىنىن اتاپ ايتقىم كەلەدى. بۇل وپتسيا دا – وسى ۇدەرىستىڭ اجىراماس بولىگى. سوندىقتان ازاماتتارعا بۇدان قورقۋدىڭ, ياكي نەمقۇرايدى قاراۋدىڭ ءجونى جوق. ويتكەنى وتباسى بانك – جيناقتاۋشى بانك بولعاندىقتان, دەپوزيت – كليەنتتەرگە ونسىز قىزمەت كورسەتىلۋى مۇمكىن ەمەس نەگىزگى ءونىم. دەپوزيت اشۋ ەشتەڭەگە مىندەتتەمەيدى, كەرىسىنشە, كەلەشەكتە «ديپلوممەن – اۋىلعا!» باعدارلاماسىنا قاتىسۋشى بالالارىن باسپانالى ەتۋدى نەمەسە ءۇيىن كەڭەيتۋدى جوسپارلاسا, كومەگى مول. بىراق ادامدار بۇل دەپوزيتتى پايدالانعىسى, اقشا جيناعىسى كەلمەسە, ولارعا مۇنى ەشكىم مىندەتتەمەيدى.
– مامىر ايىنىڭ باستالۋىنا ساناۋلى كۇن قالدى. بۇرىنعى كليەنتتەر بۇعان ۇلگەرە الا ما؟
– بانك وسىنىڭ ءبارىن ويلاستىرىپ وتىر. سوندىقتان بانك بولىمشەلەرىنە شاپقىلاماي, ۇيدە وتىرىپ-اق سمارتفونىڭىزعا وtbasy bank قوسىمشاسىن جۇكتەپ الىپ, سول ارقىلى «بانك كليەنتى بولۋدى» تاڭداۋ جەتكىلىكتى. باعدارلاما ءوزى تەكسەرىپ, ياعني ءسىزدىڭ بيومەتريالىق دەرەكتەرىڭىزدى سالىستىرعاننان كەيىن بارلىق قاجەتتى لوگيكالىق ءارى ىڭعايلى ۇدەرىستەردى اياقتاي الاسىز. بانك كليەنتىنە اينالىپ, اعىمداعى شوت اشۋدىڭ تاعى ءبىر ءتيىمدى جولى – 300 نومىرىنە تەگىن قوڭىراۋ شالۋ. ءۇشىنشى ءادىسى – ەڭ جاقىن جەردەگى بانك بولىمشەسىنە, كەڭەس بەرۋ ورتالىعىنا بارۋ. ءبىز كليەنتتەرىمىزگە بارىنشا ىڭعايلى بولۋ ءۇشىن ءبارىن جەڭىلدەتۋگە تىرىسىپ وتىرمىز. ازىرگە ولاردىڭ ۇشتەن ءبىرى عانا اعىمداعى شوتىن اشتى. دەمەك اسىققان ءجون!
– باعدارلاماعا قاتىسۋعا جاڭا وتىنىمدەر بەرۋگە بولا ما؟
– وتىنىمدەردى قابىلداۋدىڭ باستالاتىن كۇنىن قوسىمشا حابارلايمىز. بىراق باعدارلاماعا اۋىلدىق جەرلەرگە جاڭادان كوشىپ كەلگەن نەمەسە بۇرىننان تۇرىپ جاتقان, ناقتى كاسىپپەن اينالىساتىندار قاتىسا الادى. ەڭ باستىسى, ولار دەنساۋلىق ساقتاۋ, ءبىلىم, الەۋمەتتىك, مادەنيەت پەن سپورت جانە اۋىل شارۋاشىلىعى سالاسىنا كەرەكتى ماماندار, ونىڭ ىشىندە اۋىلدىق وكرۋگتەر اكىمدىگى اپپاراتىنىڭ مەملەكەتتىك قىزمەتشىلەرى بولۋعا ءتيىس. بەلگىلى ءبىر ەلدى مەكەندەرگە قاجەتتى قىزمەتكەرلەر ءتىزىمىن جەرگىلىكتى اكىمدىكتەر وزدەرى جاساقتاپ, رەسمي سايتتارىنا ورنالاستىرادى. سودان كەيىن وسى ءتىزىم بويىنشا وتىنىشتەر قابىلدانادى. تاعى ءبىر شارتى – تالاپ ەتىلەتىن ماماندىق بويىنشا ۇمىتكەر الداعى ۋاقىتتا ءۇش جىل اۋىلدا جۇمىس ىستەۋى كەرەك.
وتىنىمدەر قالاي بەرىلەدى دەسەڭىز, ەگەر بۇرىن وسىعان دەيىنگى وپەراتوردىڭ فيليالى – اگرارلىق نەسيە كورپوراتسياسىنا بارۋ قاجەت بولسا, قازىر كومپيۋتەر, پلانشەت نەمەسە سمارتفون بولسا, جەتكىلىكتى.
وتباسى بانكتىڭ مەملەكەتتىك دەرەكتەر بازاسىمەن ينتەگراتسيالانۋى مەن ۆlockchain تەحنولوگياسىنىڭ كومەگىمەن ازاماتتاردىڭ ءتۇرلى مەكەمەلەرگە ساندالۋى تىيىلا باستادى دەسەك تە بولادى. جوباعا قاتىسۋ ءۇشىن otbasybank.kz پورتالىندا تىركەلىپ, ەتسق كومەگىمەن وتىنىمگە قول قويۋ جەتكىلىكتى. ياعني جوبانىڭ الەۋەتتى قاتىسۋشىلارىنا eGov ءموبيلدى قوسىمشاسىن قوسىمشا جۇكتەپ الىپ, وعان تىركەلۋ قاجەتتىگى ماڭىزدى ەكەنىن ايتا كەتۋ كەرەك. بۇل بولاشاقتا قاتىسۋشىلار مەملەكەتتىك دەرەكتەر قورىنان سۇرالعان دەرەكتەردى راستاۋى ءۇشىن قاجەت.
– بانك وتىنىمدەردى قاراۋ مەن وڭدەۋدى قاشىقتان جۇزەگە اسىراتىن بولسا, بۇل اكىمدىكتەردىڭ دە جۇمىسىن جەڭىلدەتە تۇسەتىن بولار؟
– البەتتە. كليەنتتىڭ ءوتىنىمى ماقۇلدانعان جاعدايدا, ول ءۇي ساتىپ الۋعا نەمەسە سالۋ ءۇشىن بەرىلەتىن وتە جەڭىلدەتىلگەن نەسيەنى, سونىمەن قاتار «كوتەرمە جاردەماقى» دەپ اتالاتىن الەۋمەتتىك قولداۋدى راسىمدەي الادى.
«ديپلوممەن – اۋىلعا!» باعدارلاماسى بويىنشا نەسيەنىڭ ەڭ جوعارى سوماسى 1500 اەك-كە دەيىن, جىلىنا 0,01%-دىق مولشەرلەمەمەن 15 جىلعا دەيىن بەرىلەدى. شىنداپ كەلگەندە, بۇل ءبولىپ تولەۋ سياقتى وتە ءتيىمدى.
– باعدارلاما بويىنشا قاي ءوڭىردىڭ كادرلارى بەلسەندىلىك تانىتىپ وتىر؟ جالپى, ءسىزدىڭ بانك جۇيەسى قوسىمشا مىندەتتى الىپ جۇرۋگە دايىن با؟
– بۇل باعدارلاما نەگە وزەكتى ەكەنىن ەل تۇسىنە باستادى. تەك وتكەن جىلى 12 مىڭ ءوتىنىم قابىلدانسا, جىلىنا ورتا ەسەپپەن 5 مىڭعا دەيىن نەسيە بەرىلەدى. قارجىلاندىرۋ جاعىنان قىزىلوردا, الماتى جانە تۇركىستان وبلىستارى كوش باستاپ تۇر.
مەن بانكيرلەردەن: «سىزدەر قوسىمشا جۇكتەمەگە دايىنسىزدار ما؟ قازىردىڭ وزىندە 38 مىڭ جاڭا كليەنت پايدا بولدى, ەندى ودان دا كوپ بولا ما؟», دەپ سۇراسام, ولار كۇلە جاۋاپ بەرىپ: «ەnpf-otbasy.kz پلاتفورماسى ىسكە قوسىلعاننان كەيىن ەشتەڭە قورقىنىشتى ەمەس», دەپ وتىر.
ويتكەنى ەلدىڭ ەپۇ-نى پايدالانۋىنا بايلانىستى بۇل رەسۋرسقا سۇرانىس وتە جوعارى بولىپ, بانك قىزمەتكەرلەرى شاما-شارقىنشا جۇمىس ىستەپ, بۇل ولاردىڭ تاپسىرمالاردى ءموبيلدى جانە ءدال ورىنداۋىنا كەدەرگى كەلتىرگەن جوق. قازىر ولار ماشىقتانىپ العاندىقتان, بارلىق مامانىمىز دا, جۇيەلەر دە 100 پايىز دايىن دەسەم بولادى.
– اڭگىمەڭىزگە راحمەت. باستاعان ىستەرىڭىز باياندى بولسىن!
اڭگىمەلەسكەن
ايناش ەسالي,
«Egemen Qazaqstan»
