ۇسىنىلىپ جاتقان زاڭ جوباسى قابىلدانسا, الەۋمەتتىك تولەمدەر سحەماسىنا 1 شىلدەدەن باستاپ وزگەرىستەر ەنگىزىلەدى.
كاسىپكەر انالاردىڭ ايتۋىنشا, دەكرەتتىك تولەم ونسىز دا 12 ايدا تولەپ وتىرعان اقشامەن شامالاس بولدى. رايحان كۇنگەرباەۆا تولەم مولشەرىن تومەندەتەتىن بولسا, ءار بالاعا تولەنەتىن اقشانى كوبەيتۋ كەرەك دەيدى.
«قانشا سوما قۇياسىڭ, تۇسەتىن قارجى سومادان ءسال ارتىق بولادى, شامامەن 200 مىڭ تەڭگە شىعار. ودان ارتىق الىنبايدى. ودان دا دەكرەتتىك تولەمدى جۇمىس ىستەپ العان دۇرىس. مىسالى, مەنىڭ 5 قىزىم بار. 5 قىزىما ءدال قازىر 69 000 الامىن. شىندىعىندا 69 مىڭ تەڭگە ءبىر كۇنگە جەتپەيدى. مۇمكىن شەكتەۋ قويعانى دا دۇرىس شىعار. قارجى باسقاشا بولىنەتىن شىعار دەپ ويلايمىن», دەدى كوپبالالى كاسىپكەر انا.
ەكونوميست ءلاززات نۇرعاليقىزى ۇكىمەت وسىنداي شەكتەۋلەر ارقىلى الەۋمەتتىك قوردى سىرتتان كەلەتىن قارجىنىڭ كولەمىنەن ەمەس ازىرگە حالىقتىڭ قالتاسىنان تولتىرىپ جاتقانىن ايتادى.
«سوڭعى 12 ايدىڭ مولشەرىندە ەسەپتەلىنەدى. ءسىز سول ميلليوننىڭ 10%-ىن ءوزىڭىزدىڭ الەۋمەتتىك مەملەكەتتىك قورعا اۋدارۋىڭىز كەرەك. ال تاپ سونىڭ تاعى 10%-ىن زەينەتاقى قورىنا اۋدارساڭىز, ارينە, سىزگە كەلەتىن تابىس ميلليون بولمايدى, ەكى ەسە ازايۋى مۇمكىن. الدىندا 10%-ىن تولەسەڭىز, ەندى 20%-ىن تويلەيسىز. بۇرىن ميلليون الاتىن بولساڭىز ەندى 500-600 مىڭ بولىپ ازايىپ قالادى», دەدى ءلاززات نۇرعاليقىزى.
ال قوعام بەلسەندىسى ءسابيت رىسباي كەيبىر انالار دەكرەتتىك تولەمدى كوبىرەك الۋ ءۇشىن قۋلىققا باراتىنىن دا اتاپ ءوتتى.
«ۋاقىتشا, بالا كوتەرگەننەن كەيىن جەكە كاسىپكەرلىك اشادى. ودان كەيىن وعان كوبىرەك اقشا قۇيادى. ايلىقتارىن كوپ قىلىپ كورسەتەدى. ال بۇل ورتاشا ايلىقتىڭ وسۋىنە الىپ كەلەدى. كاسىپكەرلەردىڭ دە سانىن كوبەيتەدى. مەن ول نارسەنى دۇرىس دەپ كورمەيمىن», دەدى ول.
بيىل قازاقستاندا ەڭ جوعارعى دەكرەتتىك تولەم 1 852 200 تەڭگەنى قۇراعان. ال رەسپۋبليكا قازىناسىنان بالا تۋعاندا بەرىلەتىن ءبىر جولعى جاردەماقى ءۇشىن 66 ميلليارد, 1,5 جاسقا دەيىنگى بالا كۇتىمىنە تولەنەتىن جاردەماقىعا 44 ميللارد تەڭگە ءبولىندى.
