«سۇلۋلىق سالونىنا 1962 جىلى تۋعان ازاماتشا كوزىنە بلەفاروپلاستيكا جاساۋ ءۇشىن جۇگىنگەن. سالون قىزمەتكەرىنىڭ ليتسەنزياسى جانە باسقا دا مەديتسينالىق قىزمەتپەن اينالىسۋعا رۇقساتى بولماعان. ءبىراز ۋاقىتتان كەيىن ناۋقاس اۋىرىپ, جەدەل تۇردە جانساقتاۋ بولىمىنە جىبەرىلدى. الايدا سول جەردە قايتىس بولدى», دەپ حابارلادى وسكەمەن قالاسىنىڭ پروكۋراتۋراسى.
بولجام بويىنشا, ايەل انافيلاكتيكالىق شوك العان.
16 ساۋىردە پوليتسيا قىزمەتكەرلەرى قازاقستان رەسپۋبليكاسى قىلمىستىق كودەكسىنىڭ 322-بابىنىڭ 3-بولىگى (وسى قىزمەت تۇرىنە سەرتيفيكاتى (نەمەسە) ليتسەنزياسى جوق ادامنىڭ مەديتسينالىق نەمەسە فارماتسەۆتيكالىق قىزمەتپەن اينالىسۋى, ەگەر بۇل ابايسىزدا ادام ولىمىنە اكەپ سوقسا) بويىنشا سوتقا دەيىنگى تەرگەپ-تەكسەرۋدى باستادى.
قر قىلمىستىق كودەكسىنىڭ 322-بابىنىڭ 3-بولىگى ءۇش جىلعا دەيىنگى مەرزىمگە بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ, بەس جىلعا دەيىنگى مەرزىمگە باس بوستاندىعىن شەكتەۋدى نە سول مەرزىمگە باس بوستاندىعىنان ايىرۋدى كوزدەيدى.
