ءماجىلىس الاڭىندا وقۋ-اعارتۋ ۆيتسە-ءمينيسترى ەدىل وسپانعا ء«بىلىم بەرۋ جۇيەسىندە باقىلاۋشى ورگاندار كوپ بولعانىمەن, مەكتەپ وقۋشىلارىنىڭ اراسىندا نەگە قاتىگەزدىك بەلەڭ الۋدا؟» دەگەن سۇراق قويىلدى.
«بۇزاقىلىقتىڭ ارتۋىنا اسەر ەتكەن الەۋمەتتىك قۇبىلىستار مەن فاكتورلار وتە كوپ. بۇل بويىنشا جۇمىس ىستەيمىز, تۇبەگەيلى شارالاردى, زاڭنامالىق شارالاردى, ۇيىمداستىرۋشىلىق شارالاردى, سونىڭ ىشىندە اتا-انانىڭ جاۋاپكەرشىلىگىن كۇشەيتۋدى, مۇعالىمدەردىڭ جاۋاپكەرشىلىگىن كۇشەيتۋدى قولعا الامىز», دەدى ەدىل وسپان جۋرناليستەردىڭ ساۋالدارىنا جاۋاپ بەرىپ.
ۆيتسە-مينيستر ستاتيستيكالىق مالىمەتتەرگە سۇيەنىپ, وقۋشىلار اراسىندا بالالاردى قورلاۋ مەن قاتىگەزدىك كورىنىستەرى كوبەيگەنىن مويىندادى.
«ستاتيستيكا مۇنداي جاعدايلاردىڭ ناقتى وسكەنىن كورسەتىپ وتىر, شۇعىل شارالار قابىلداۋ قاجەت. وسىنداي نەگىزگى جۇيەلى شارالاردىڭ ءبىرى – مەكتەپتەردەگى تاربيە جۇمىسىن كۇشەيتۋ. ءبىز وسىنداي تۇجىرىمدامانى ازىرلەۋدى باستادىق, مەكتەپتەردە اتا-انالار اكادەمياسىن قۇرۋ جۇمىستارىن باستادىق, سونىمەن قاتار اتا-انالاردىڭ دا مورالدىق جاۋاپكەرشىلىگىن كۇشەيتەمىز», دەدى ەدىل وسپان.
