بۇل سوڭعى جىلدارداعى ەڭ جوعارى كورسەتكىش. بيىلعى قاڭتار-اقپان ايلارىندا وتاندىق ەلەكتروندىق ونەركاسىپ 7,2 ملرد تەڭگەگە تاۋار ءوندىردى.
ەگەر ەلەكتروندىق ونەركاسىپ ونىمدەرىنىڭ زاتتاي شىعارىلىمى بويىنشا دەرەكتەرىنە تالداۋ جاساساق, وندا ءوسىمنىڭ قانداي دا ءبىر كۇرت قارقىنى كورىنبەيدى. تاۋارلاردىڭ ءتورت ساناتىنىڭ ەكەۋىندە ازداپ تومەندەۋ بايقالادى.
2022 جىلعى قاڭتار–جەلتوقسان ايلارىندا ەسەپتەۋ ماشينالارى – 11,9 مىڭ دانا (مينۋس 3,7%), ەلەكتر ەنەرگياسىن ەسەپتەگىشتەر – 314,4 مىڭ دانا ء(بىر جىل بۇرىنعى سايكەس كەزەڭمەن سالىستىرعاندا 5,8%-عا از) ءوندىرىلدى.
تەلەۆيزيالىق قابىلداعىشتار (پليۋس 10%, 11,9 مىڭ داناعا دەيىن), سونداي-اق ەلەكتر ەسەپتەگىشتەردەن باسقا ءارتۇرلى ولشەۋ اسپاپتارىنىڭ (پليۋس 12,4%, 16 مىڭ داناعا دەيىن) ءوندىرىسى ءوستى.
وندىرىلەتىن ەلەكتروندىق ونەركاسىپ تاۋارلارىنىڭ ءتورت ءتۇرىنىڭ ەشقايسىسى بويىنشا قازاقستان ءوزىن-ءوزى قامتاماسىز ەتپەيدى. تەك ەلەكتر ەنەرگياسىن ەسەپتەگىشتەر بويىنشا وتاندىق وندىرىسكە 51,7% تيەسىلى, قالعان تاۋارلار بويىنشا يمپورت باسىم.
تاسىمالداناتىن راديوقابىلداعىشتاردىڭ ەكسپورتى – 15 ەسە, ەلەكتر ەنەرگياسىن ەسەپتەگىشتەر – 20 ەسە, تەلەۆيزيالىق قابىلداعىشتار – 7 ەسە, ەلەكتروندى-ەسەپتەۋ تەحنيكاسى 3,7 ەسە ءوستى.
ساراپشىلاردىڭ مالىمەتىنشە, سوڭعى ەكى تاۋار پوزيتسياسى بويىنشا پاراللەل يمپورتتىڭ سحەماسى كورىنەدى. بۇل بىرلىكتەردەگى ەكسپورتتىڭ ءوسۋى يمپورتتىڭ وسۋىنە جاقىن ەكەنىن بىلدىرەدى. تاۋارلار قانشالىقتى كوپ اكەلىنسە, سونشالىقتى شەتەلگە دە ەكسپورتتالدى.
