جارىلىس سالدارىنان دەنەسىن كۇيىك شالعان ەر ادام دەرەۋ اۋرۋحاناعا جەتكىزىلدى.
«قىزىلوردادا يانشينا كوشەسىندەگى جەكە تۇرعىن ۇيدە گاز-اۋا قوسپاسى جارىلىسى بولدى, سالدارىنان 182 شارشى مەتر اۋماق جانىپ كەتتى. ءارى قاراي ءورت وسى ءۇي اۋماعىندا ورنالاسقان 60 شارشى مەترلىك ۋاقىتشا قۇرىلىس نىسانىنا تاراعان. قۇتقارۋشىلار كەلگەنگە دەيىن اياق-قولى كۇيىپ قالعان وزبەكستان رەسپۋبليكاسىنىڭ 1984 جىلى تۋعان ازاماتى قالالىق اۋرۋحاناعا جەتكىزىلدى. ءورت ساعات 12:09-دا اۋىزدىقتالدى. وقيعانىڭ ناقتى سەبەبى انىقتالىپ جاتىر», دەلىنگەن وبلىستىق تج دەپارتامەنتى تاراتقان حابارلامادا.
وقيعا ورنىنا وبلىستىق تجد-نىڭ 25 قىزمەتكەرى مەن 5 تەحنيكاسى, مەديتسينا ورتالىعىنىڭ 4 قىزمەتكەرى مەن 1 تەحنيكاسى, «قازترانسگازايماق» اق-نىڭ 3 قىزمەتكەرى جانە 1 تەحنيكاسى, «كرەك» اق, سونداي-اق جەرگىلىكتى پوليتسيا قىزمەتى باسقارماسىنىڭ قىزمەتكەرلەرى جۇمىلدىرىلدى.
