جاڭا باعدارلامانىڭ تانىستىرىلىمى

ەلدەگى قوعامداستىق «نۇر وتان» پارتياسىنىڭ سىبايلاس جەمقورلىققا قارسى جاڭا باعدارلاماسىنىڭ جوباسىن تالقىلاۋعا تارتىلادى پارتيانىڭ ورتالىق اپپاراتىنداعى جۇمىس توبىنىڭ وتىرىسىندا «نۇر وتان» پارتياسىنىڭ 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسىنىڭ جوباسى تانىستىرىلدى. 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسىنىڭ جاڭا جوباسى قوعامداستىق, ينتەرنەت-پايدالانۋشىلار, ساراپشىلار, ۇكىمەتتىك ەمەس ۇيىمدار مەن پارتيا مۇشەلەرىنىڭ تالقىلاۋى مەن ۇسىنىستار ەنگىزۋى ءۇشىن nurotan.kz رەسمي سايتىندا جاريالانادى. ۇسىنىستار مەن تولىقتىرۋلاردى anticorruption@nurotan.kz ەلەكتروندىق پوشتاسىنا جىبەرۋگە بولادى. وتىرىستى اشقان پارتيا توراعاسىنىڭ ءبىرىنشى ورىنباسارى باۋىرجان بايبەك: «بەس ايلىق جۇمىستان كەيىن ءبىزدىڭ قولىمىزدا باعدارلاما جوباسى بار, ءبىز ونى مەملەكەت باسشىسىنىڭ تاپسىرماسىمەن قالىڭ بۇقارانىڭ تالقىلاۋىنا ۇسىنىپ جاتىرمىز. قالاعان ادام ءوزىنىڭ پىكىرى مەن ۇسىنىسىن جولداي الاتىن ارنايى پوشتالىق مەكەنجاي قۇرىلدى, بۇل پارتيانىڭ ستراتەگيالىق جانە ماڭىزدى قۇجاتىنىڭ قالىڭ قاۋىمنىڭ تالقىلاۋىنىڭ كومەگىمەن جاسالعان العاشقى وقيعا ەمەس. ءبىزدىڭ ساياسي دوكترينامىز دا ءدال وسىلاي جازىلعان بولاتىن. ءبىز سىبايلاس جەمقورلىققا قارسى ءىس-قيمىل باعدارلاماسىنا وراي كەلگەن ءاربىر حاتقا, كەز كەلگەن ۇسىنىسقا ريزا بولامىز», دەدى. سىبايلاس جەمقورلىقتىڭ كورىنىسىمەن ەمەس, ونى تۋعىزاتىن سەبەپتەرمەن جانە جاعدايمەن كۇرەس باعدارلامانىڭ ەڭ نەگىزگى قاعيداتتارىنىڭ ءبىرى بولىپ تابىلادى. الەمدىك وزىق تاجىريبەنىڭ نەگىزىندە وتاندىق زاڭنامانى جەتىلدىرۋ ۇسىنىلادى. جاڭا باعدارلامادا قوعامدا سىبايلاس جەمقورلىق پەن ونىڭ كورىنىسىنە توزبەيتىن مادەنيەت قالىپتاستىرۋعا, سونداي-اق, مەملەكەت, ازامات جانە بيزنەستىڭ تەڭ جانە جاۋاپتى ارىپتەس رەتىندەگى قارىم-قاتىناسىنىڭ ساپالى جاڭا سيپاتىن قالىپتاستىرۋ قاجەت^­تىلىگى تۋعاندىقتان, ەلىمىز­دىڭ بارلىق ايماعىنداعى ءتۇرلى ماقساتتى توپتارمەن جانە ازامات­تىق سەكتورلارمەن قارىم-قاتىناس ورناتۋعا باسىمدىلىق بەرىلەدى. باعدارلامادا العاش رەت سىبايلاس جەمقورلىققا قارسى ءىس-قي­مىل ءۇشىن قوعامنىڭ جانە ءار ازاماتتىڭ جاۋاپكەرشىلىگى بەكى­تىلەدى. وتىرىس بارىسىندا ب.بايبەك اتالعان باعدارلامانىڭ ازا­مات­تاردىڭ سىبايلاس جەمقورلىققا دەگەن ساناسى مەن كوزقاراسىن وزگەرتۋگە سەبەپكەر بولاتىنىن ءتۇسىندىردى. باعدارلامانى ىسكە اسىرۋ مەم­لەكەتتىڭ ازاماتتاردىڭ ءمۇد­دەسىنە ءتيىمدى قىزمەت ەتۋى مەن جاۋاپتى ازاماتتىق قوعام­نىڭ قۇرىلۋىنا, سونداي-اق, كۇشتى قازاقستاندىق بيز­نەستىڭ دامۋىنا جاعداي تۋعى­زادى. پار­تيانىڭ ساياسي دوكتري­ناسىندا كورسەتىلگەندەي, وسى ەلە­مەنت­تەردىڭ ءوزارا جاۋاپ­كەر­شى­لىگى مەن شىنايى ارىپتەستىگى قازاق­ستاننىڭ بولاشاقتاعى تى­بىس­تىلىعىن انىقتايتىن بولادى. قۇجاتتى قاتارىندا بەلگىلى زاڭگەرلەر, ساراپشىلار, قوعام قايراتكەرلەرى, باس پروكۋراتۋرا مەن سىبايلاس جەمقورلىققا قار­سى كۇرەس اگەنتتىگىنىڭ وكىلدەرى بار جۇمىس توبىنىڭ دايىنداعانىن ەسكە سالعىمىز كەلەدى. ساراپ­شى­لار توبىنىڭ جۇمىسىنا پار­لامەنت ماجىلىسىندەگى پارتيا فراكتسياسىنىڭ مۇشەسى نۇرلان ءابدىروۆ جەتەكشىلىك ەتتى. باعدارلامانى جۇزەگە اسى­رۋ­دىڭ ءىس جۇزىندەگى مەحانيزمى رەتىندە ءار بەسجىلدىققا سىباي­لاس جەمقورلىققا قارسى ءىس-قيمىلدىڭ جول كارتاسى مەن جىل سايىنعى شارالاردىڭ جوسپارى ازىرلەنەتىن بولادى. جالپىالەمدىك ۇردىستەر ەسەپكە الىنا وتىرىپ, سىبايلاس جەم­قورلىققا قارسى پارتيالىق باع­دارلامانىڭ ناتيجەسى مەملەكەت باسشىسىنا تانىستىرىلاتىن جانە باق-تاردا جاريالاناتىن بولادى. بۇل قۇجاتتاردان سىبايلاس جەمقورلىققا قارسى سالاداعى كۇرەستىڭ تولىق سيپاتى كورىنىپ, وندا سىبايلاس جەمقورلىق قۇقىق بۇزۋشىلىقتىڭ سانى جانە ونىڭ دەڭگەيىنىڭ باعالانۋى تۋرالى اقپارات قامتىلاتىن بولادى.   «ەگەمەن-اقپارات».