«ۇلتتىق قورعا جارماسا بەرۋدى دوعارۋ قاجەت. مەن بۇل تۋرالى وسىعان دەيىن دە تالاي رەت ايتتىم. ۇلتتىق قور – بولاشاق ۇرپاقتىڭ قارجىسى. ءبىز ونىڭ رەسۋرسىن قاجەت كەزدە, داعدارىس كەزىندە عانا پايدالانۋىمىز كەرەك. مەملەكەتتىك-جەكەمەنشىك ارىپتەستىك ينستيتۋتىن جانە جان باسىنا قارجىلاندىرۋدى, اسىرەسە الەۋمەتتىك ينفراقۇرىلىمعا ينۆەستيتسيا تارتۋدى تولىق پايدالانۋ كەرەك», دەدى مەملەكەت باسشىسى.
توقاەۆ بىلتىر جەلتوقسان ايىندا جاڭا ءمجا (مەملەكەتتىك-جەكەمەنشىك ارىپتەستىك) ۇلگىسىن ەنگىزۋگە باعىتتالعان زاڭنامالىق تۇزەتۋلەرگە قول قويعانىن ەسكە سالدى. جەكە سەرىكتەستەردى تاڭداۋدا اشىقتىقتى قامتاماسىز ەتۋ بويىنشا شارالار قابىلدانىپ, كۆازيمەملەكەتتىك كاسىپورىنداردىڭ قاتىسۋى شەكتەلگەن.
«وسىلايشا بيزنەستى مەملەكەتتىك جوبالاردى جۇزەگە اسىرۋعا تارتۋعا جاعداي جاسالدى. بۇل قۇرالدى جاڭا ۇلتتىق جوبالاردى جۇزەگە اسىرۋدا بارىنشا پايدالانۋ كەرەك. ۇكىمەتكە الەۋمەتتىك سالاداعى ءمجا كەشەندى باعدارلاماسىن دايىنداۋدى تاپسىرامىن», دەدى پرەزيدەنت.
