ينتەگراتسيا كلۋبىنىڭ ماسكەۋدەگى وتىرىسى

ماسكەۋدە قازاقستان رەس­پۋب­ليكاسىنىڭ رەسەي فەدەرا­تسيا­سىنداعى ەلشىسى مارات ءتاجين فەدەراتسيا كەڭە­سىنىڭ توراعاسى جانىنداعى ينتەگراتسيا كلۋبىنىڭ وتىرىسىنا قاتىستى, دەپ حابارلادى قر ءسىم-ءىنىڭ ءباسپاسوز قىزمەتى. وتىرىس تاقىرىبى «ەۋرازيالىق ەكو­نو­ميكالىق وداق: جاڭا ماسەلەلەر مەن مۇمكىندىكتەر» دەپ اتالدى. فەدەراتسيا كەڭەسىنىڭ ءتورايى­مى ۆالەنتينا ماتۆيەنكو وتىرىس قاتىسۋ­شىلارىنا ايتقان قۇت­تىقتاۋ سوزىندە سوڭعى جىلداردىڭ ەڭ ماڭىزدى وقيعاسى دوستاستىقتا رەسەي, بەلارۋس جانە قازاقستاننان تۇراتىن «ينتەگراتسيالىق يادرو­نىڭ» شىعۋى, ونىڭ كەدەن وداعى رەتىندە قۇرىلىپ, ءبىرتۇتاس ەكو­نوميكالىق كەڭىستىك رەتىندە قالىپتاستىرىلۋى ەكەنىن, سونىڭ ناتيجەسىندە ستراتەگيالىق ماقسات – ەۋرازيالىق ەكونوميكالىق وداقتىڭ پايدا بولۋى ەكەنىن اتاپ كورسەتتى. «جەتەكشى ۇشتىكتىڭ ەكو­نو­مي­كالىق ءوزارا ىقپالداس­تىعى­نىڭ قازىرگى احۋالى تۋرالى ءسوز قوزعاعاندا, ينتەگرا­تسيا – ابستراكتىلى جوبا ەمەس, مەملە­كەتتەرىمىز ەكونومي­كالارى­نىڭ ءتيىمدى دامۋىنىڭ, ازامات­تارى­مىزدىڭ ءال-اۋقاتى جاقسا­رۋى­نىڭ بىردەن-ءبىر مۇمكىندىگى ەكەنىن ەسكەرۋ ماڭىزدى. ينتە­گرا­تسياعا قول جەتكىزۋ تمد-نىڭ باسقا ەلدەرىن جەتەكشى ۇشتىككە قوسىلۋعا يتەرمەلەيتىنى انىق. بۇعان ارمەنيا مەن قىرعىزستان مىسال بولا الادى. سونىمەن قاتار, تمد كەڭىستىگىنەن تىس ەلدەر دە بىزدەگى ينتەگراتسيالىق ۇدەرىستەرگە قىزىعۋشىلىق ءبىلدىرىپ جاتىر», – دەدى ۆ.ماتۆيەنكو. م.ءتاجين ءوز سوزىندە ەۋرا­زيالىق ەكونوميكالىق وداق قۇرۋ تۋرالى شارتتىڭ راتيفيكا­تسياسىمەن بايلانىستى تەك زاڭدار دەڭگەيىندەگى عانا ەمەس, زاڭعا قوسىمشا اكتىلەر دەڭگەيىندەگى پارلامەنتتىك ءراسىم­دەردىڭ ماڭى­زى زور ەكەنىن اتاپ ءوتتى. قازاق­ستاندىق ديپلومات ەاەو ەلدەرىندەگى ەكونوميكالىق بەل­سەندىلىك تومەندەمەۋى ءۇشىن ءمۇ­شە-مەملەكەتتەر ءوزارا ساۋدانى كوتەرۋ, ينۆەستيتسيالىق باعىت­تاردى ىنتالاندىرۋ جانە بيزنەس-كليماتتى جاقسارتۋ ماقساتىندا ەلەۋلى كۇش-جىگەر سالۋلارى كەرەك ەكەنىنە دە نازار اۋداردى. كلۋب وتىرىسىنا قاتىسۋشىلار بولىپ جاتقان ينتەگراتسيالىق ۇدەرىستەرگە تۇسىنىكتەمەلەر بەرىپ, ونىڭ ەۋرازيالىق ەكونوميكالىق وداققا مۇشە-مەملەكەتتەر ازاماتتارىنا پايداسى مەن تيىمدىلىگىن كەڭىنەن كورسەتەتىن بىرىڭعاي ورتاق مەديا كەڭىستىك قۇرۋ ماسەلەسىنە دە ەرەكشە كوڭىل ءبولدى.